آرازین آغیر آخیمیندا
مهرداد فخری
آرازین آغیر آخیمیندا
کؤلگه‌سی اؤزونده ایتیب آغاجلارین.
حصارلی زمی آرخاسیندا
اوجاقلار سؤنوب
بوداقلار یانیب.
باغلاردان
یاپالاقلار قالیب
مئشه‌دن ایل بیز لر
قوتمانلاشان تورپاقلاردان
گبه سیرتلانلار…
بو یئرلرین تاریخینده ،
نبی‌لرین آت چاپدیغی کئچید‌لرده ،
باغری قان‌دیر بولاقلار
ناغیلسیزدیر اوشاقلار.
بو کئچمیشین:
سئحیرلی کیلیمی ده،
پاپاغی دا،
قیلینجی دا
اوغورلانمیش…
یوللاری :
ایشیق گلنه،
ائل لری :
شاه صنمه،
سئویب – سئوه‌نه
اینانمیر هله ….
