اورمیه‌لی شاعر “صیاد گلی‌پور” حیات‌لا وداعلاشدی
«آغجا اوغلان» تخلصلو اورمیه‌لی شاعر “صیاد گلی‌پور” ۶۲ یاشیندا حیات‌لا وداعلاشدی. “صیادگلی‌پور” ۱۳۳۲ینجی ایل هشتری (هشترود) ماحالیندا دونیایا گؤز آچمیش و عؤمرونون چوخ ایللرینی اورمیه شهرینده یاشامیشدیر. اونون ادبی فعالیتی۱۳۶۰ینجی ایلدن باشلانمیش و ایندییه قده‌ر بیر شعر مجموعه‌سی ایشیق اوزو گؤرموشدور. «آغجا اوغلان»، ایرانین بیر چوخ ادبی فئستیواللارینا قاتیلاراق، مختلف ادبی موکافاتلارا لاییق گؤروندوگونه رغما، بیر چوخ اثرلری هله‌ده یاییلماییبدیر.
صیاد گلی‌پورون جنازه‌سی آبان آیی‌نین بئشینجی گونو اورمیه‌نین باغ رضوان مزارلیغیندا تورپاغا تاپشیریلمیشدیر.شعرلریندن بیر نمونه:
دنیزلر
قولدور- قولدور ناققالار بویودور
اما بیزیم یازیق بالیقلاریمیز
گوز یاشلاری
حسرت اوزلرینده
خیردا- خیردا شوشه‌لرده
قوجالیرلار
اوتورون آه چکک
یئللر آپارسین.
