کوچه‌لر
کیوان قربانی
دونن گئجه‌دن‌دیر سایاقلاییر کوچه‌لر
دونن گئجه‌دن‌دیر کی آغلاییر کوچه‌لر
دونن گئجه‌دن‌دیر یامان دولوب اوره‌یی
قدم- قدم ایزینی آیاقلاییر کوچه‌لر
ساعات-ساعات سومورور قاپیزدان آیریلیغی
دامار- دامار گؤیه‌ریر، آریقلاییر کوچه‌لر
اوزانلاییر چکیلیر یالانچی بیر ائهه تای
اوزاق سحرلری آخشام اوراقلاییر کوچه‌لر
دونن گئجه‌دن‌دیر سایاقلاییر کوچه‌لر
دوهار-دوهار اؤزونو سوراقلاییر کوچه‌لر
2 پاسخ
سلام و عرض ادب دارم به خدمت جناب آقای قربانی
مطالب عالی و زیبا ????
سن سیزلیک ماهنی سی دیر
اوزون بیر ناغیلین سون نوختاسی
لام لام آخان سولارین
یام یاشیل سؤزلرین آرخاسیندا بیتن
و …
آنامین بارماقلاریندان
لای لای لای لای سسینی دویوران
آنالیق آرزوسی…
سئوگی
بیر یالان گئرچگین سونو
یالان دویغو
یالان اینانج
یالان یالان یالان یالان
و
یالاندان دوغولماغدیر
بیر کؤرپه قیزین
اوشاغلیق پالتارلاریندا…
Keivan…….