یئریم قالیر…
وحید فروتن
من ده بو دونیادا آدام،
اولا بیلم باری آدام.
یاری شاعیر یاری آدام،
بیریم گئدیر، بیریم قالیر.
تورپاق گؤره‌سن سن نه سن؟!
هم بابام‌سان، هم ننه‌م‌سن…
هله ده چوخ گؤره‌جکسن،
سنین‌چون مین شعریم قالیر.
داشلاریندان ائو تیکه‌نم!
تیکدیگیم داشا سؤیکه‌نم..
من ده سنین بیر تیکه‌نم،
قوینوندادیر، یئریم قالیر…
یک پاسخ
وحید فروتن بیزیم چوخ استعدادلی گنج لریمیزدندی. اولدوقجا چالیشقان و گرچکدن شاعیردیر. همده استاد شاعیریمیز ستار گلمحمدی جنابلارینین هم یئرلی سیدیر. او اوزدن اصلا ضعیف یازماغا حاققی یوخدو و یازمیردا. بو گنجی اوخویون. یوروملارینیزی اسیرگه مه یین… اوغورلولار اولسون.