ایکی شعر
مسعود اسلامی
۱٫
ائششه‌ییمیزی ساتدیق
ساواکی‌لارین قورخوسوندان
تئلویزیون آنقیراندا بیر بیریمیزی ده؛
شه‌هر بیزه کؤچدو بیز کؤچمه‌دن،
شاعیر بئی شعیره قالخمازدان سونجوغا قالخدی؛
قالاق‌لار اوچولدو
قاچاقاچ دوشدو؛
ائو صاحابی هرنه‌یینی سئودی
هرنه‌یینی ده،
یالنیز بیز شهره وورولدوق
ائله‌جه‌ده هرنه اوردان زورولدادی
شاعیرچیلییمیز
پوست مودئرن سیگارادان
سیگارا شعیردن
کول اولدو کلمه‌لرین گؤی گؤزونه؛
بئینیمیزده قوش قووالادیلار،
نه شعیر باغیردی نه شئر
گؤر نه گونلره قالدین!
۲٫
انگین گؤیده قارا بولود
قارین قوینوندا آغ آپ آغ چیچک
هرنه دایانمادان یاشاییر
سئوگی سئویندیریر
آغلادیر دا،
اوره‌یی قارالمیش قیزیل لاله‌لر
گولوشو قابار چالمیش وطن!
باخیشینا قورشون اکر بیر قیش فصیلی
گؤیه‌رر ایلک یازدا
یارالارین
یاناغلار دوداقلارا قاریشار
اون دؤردونجو گئجه‌نیزده قانا بله‌شر
گؤزلریم
آیات نامازی قیلار بوتون سئوگیلی‌لر
یئنی‌دن باشلانار دونیا
یالنیز نه جور باشلاندیغینی آلانمازسان!
داغلیق قاراباغ سئویب سئویلمه‌یین بیرینجی رومانی
خوجالی اوره‌ییمده قارا خال
نه کسمک اولار نه گؤتورمک
اؤلدورر منی
یارالارین،
اؤلدورر.
4 پاسخ
حؤرمتلی کامل بئی گئجیکمیش اولسام دا منی باغیشلارسیز ایندی گؤردوم. شئعیریمی اوخویوب کامئنت قویدوغوزدان چوخ چوخ سئویندیم.لطفلریزدن تشککورلریمی بیلدیریب اولو تانریدان سیزین اوچون جان ساغلیغی دیله ییرم. وار اولون عزیزیم.
اسلامی جینابلاریندان داها سئویملی شعیر
اوخودوم ٬ یئنی کانسئپتلری جانیمی اوخشادی
واللاهی ٬ کیشی یاشامالیسان.
چوخ تشکورلر حؤرمتلی اسلامی جنابلاری .
هر ایکی نیز ده وار اولون.