یئنی صحیفه
فاطمه زلفی
اوتورور قار ساچیما
بیر، ایکی
اون بئش، اوتوز
اللی، یوز.
دوزولور ایز اوزومه
ایریش- اویروش
دوم- دوز.
یئل اسیر
ائیوانی، پنجره‌نی کؤلگه کسیر
آددیم- آددیم بیر ایاق سسلری
یولدان کسیلیر.
دوست- تانیشدان نئچه گوندور کی خبر بیلمه‌میشم
گوزگومو سیلمه‌میشم
گوللره سو وئرمه‌میشم
نه یامان گوندو بو گون
دئیه‌سن؛
کیمسه منی مندن آلیب.
بیر سازیم اولسایدی…
باساراق باغریما هردن
اونو دیندیرسیدیم…
عاشیق اولسایدیم اگر…
گؤرسن تئللی سازین قول- قانادین کیم قیردی؟
آرادا کیم دوردو؟
آی آماندیر قلمیم
دوشمه الیمدن
یاراماز یئل دئیه‌سن کسکین اسیر
اوره‌ییمدن یئنی بیر صحیفه سؤز آچ
گوزگوده واردیر هله
بیر، ایکی
آلتی، اون- اون بئش
قارا ساچ.
۸۸٫۹٫۴
یک پاسخ
یاشاسین قلم اله آلانلارا. اوغورلار:)