قیسا شعرلر (۱۱)
فریبا مرتضایی
(۱)
گئجه‌نین اَن قارانلیق دَمی
شافاقین اؤنجه‌سیدیر؛
بیلیرم دؤنه‌جکسن!
قارا گؤزلریم
ایشیق – ایشیق
آخاجاق.
(۲)
اوره‌ییم اؤلوب؛
چیرپینیش‌لار گئدیب.
سن یوخسان
بو آستانا بوش‌دور!
باشماقلاریمی گتیرین
اوره‌ییمین باشیندا جوتله‌یین!،
دئمه‌سینلر آدامسیزدیر.
(۳)
سنه اولان سئوگیم
اوره‌ییمدن
بوغازیما یول آچیب؛
خیمیر – خیمیر
باخیشیما دا یول تاپیب
گؤزومده بیر دام سؤز ییغیشیب؛
گل دام اوسته!
سنه سؤیله‌میشدیم
قدملرین
گؤزوم اوسته!
(۴)
سولغون گئدیرم،
سن بیر گول!
قورخما،
سنی اَله
سنی ائله
سنی بئله
بوراخمارام؛
گل آیاقلاریم اوسته!
اؤلوم آیاق اوسته گؤزلدیر…
(۵)
شعیریمین
سون باهاریندان گئچ
سؤزجوک‌لریم
چیچک آچسین گولوم!
6 پاسخ
چوخ ساغ اولون. سایتین بوتون امکداشلاریندان چوخ تشککور ائدیرم. درین حؤرمتله مرتضایی
سالام سونسوز تشکرلر عزیز و حؤرمتلی ارخاداشلاریم اوره یینیزه ساغلیق هر شئی اوچون منت دارام . درین حؤرمتله ریمی بیلدیریم .
Fariba xanim, ana dilinizde dil achib urek sozlerinizi kagiz uzerine inci kimi duzmek ve sonunda kitab formasinda edebiyyat severleri sevindirdiyiniz ichun, sizi tebrik edirem. Sag olun ki varsiniz, ellerinize sagliq. arzi edirem yazib oxumaq hevesi ureyinizden tukenmesin,yaratmaq yashamaqdir deyibler axi. sag olun
نه گوزل شاعر لریمیز یسله نیر(پرورش)
چوخ سئودیم، قیسا شعرلریز چوخ گوزل دیر. سیزین شعر توپلوم کیتابیز واردی و هاردان آلا بیلرم .؟
من شاعر خانیملاری گیسکانیرام. ندن سورسوز دئیرم الله منه بو استعدادی وئرمیب. کاش وئرسیدی اوره‌ییمی بوشالداردیم. هئله بونادا شوکور کی سیزین و باشکا شاعرلرین شعرلرین اوخویوب ولذت آپاریرام. سعید موغانلی نیندا بوشعرین چوخ سئویرم
موتلولوق بیر قادیندیر /بیرقادینین بارماقلاریندا گوئریر قار چیچکلری /بیرقادینین گوزلرینده دورولور دلی دنیزلر/بیرقادینین دوداقلاریندا یارانیر شعر کیتابلاری/ بوشعر هدیه اولسون پوتون شاعیر خانیم لارا
دئمه سینلر آدامسیزدیر. فریبا خانم هرنه یازیرسا گؤزل دیر.