غزللر
نادر الهی
(۱) سوسموشام
سوسموشام آمما سینَه‌م طاقچاسی سازدان دولودور
سوسموشام … آمما گیلئی گؤیلوم آوازدان دولودور
من ائله غملی کی باغریمدا پاییز دالدالانیر
او ائله شاد کی باخیش باخچاسی یازدان دولودور
تانییا بیلمه‌میشم قیبله‌می … هیهات هیهات!
آمما گؤیلوم او مچیددیر کی نمازدان دولودور
باخیشیمدان بایاتی چیپجالانیر …. نئیله‌مَه‌لی
آنا باغریم سارادان بوشدو…. آرازدان دولودور
گؤز یاشیمدا هله ساغ سول خیالین چیممَه‌ده‌دیر
گؤز یاشیم بو قوروماز گُول هله قازدان دولودور
آه عدالت … آه عدالت … آه عدالت … یاندیم
هارداسان … گل کی سینه‌م طاقچاسی سازدان دولودو
(۲) سَسیم گرایلی‌دی
سسیم گـرایلی‌دی، گؤیلوم شیکسته‌دی، نازلیم
علاج ندیر کی یارام اوسته اوسته‌دی، نازلیم
بو نرگیزیم، بو بنؤوشه‌م، بو حسرتیم …بودا من
قاییت …گؤزوم قولاغیم،یولدا،سسده‌دی،نازلیم
آنـام بـاهـار، ایــاغ اوسته نــامـاز قیلا بیلمیر
کی سرو اوغوللاری قَددی شیکسته‌دی، نازلیم
منیم سسیمدی بو قاتیل کیمی آسیلمیش ساز
منیم سسیمدی بو قوش کی قفسده‌دی، نازلیم
بولاغ دئییل، گؤزو آغلار قالان اوشاقلاردی
چیچک دئییل گولوش آغزیندا پوسته‌دی، نازلیم
دومانلانیر باخیشیندا سووال ….. آخی نه دئییم
سسیم گـرایلی‌دی، گؤیلوم شیکسته‌دی، نـازلیم
(۳) اونودولموش اوجاق!
باخمایین کی اونودولموش اوجاغیق، آی ائللر
داوا درمان دولوسو بور – بوجاغیق، آی ائللر!
بیزی سهمانلاماغا بیرجه خیالیز یوخدور
بو پریشانلیغا ساچلی – ساچاغیق، آی ائللر!
غفلت اؤلدورسه بو گون ده بیزی، وآللاه بیلیرم
بیز صاباح بو کفنی ییرتاجاغیق آی ائللر!
بیزی زنجیرله‌مک اولماز، دلی بیر کؤلگه کیمی
قاچانی قوومالی، قووساز قاچاغیق، آی ائللر!
بیزی چوخدا اوشاغا – آنلاماز قییمایاسیز
نه قده‌ر پاسلی – کوت اولساق پیچاغیق آی ائللر
تاپماق اؤیرنمه‌میشیک – آنجاق ایتیرمک بیلیریک
بو دیغال دونیادا گؤر نه قوچاغیق آی ائللر!
آنام اوخشاردی کی ” نادر” بالامین کول گؤزونه
او بیلیرمیش اونودولموش اوجاغیق آی ائللر!
10 پاسخ
یاشمالیسان اوستاد نادرالهی گوزل قلم
پژمان ایزدخواه دیکلاماتور خداآفرینن
بسیار بسیار عالی
پایا ومانا باشید
کونلوم یازدی
الیم پاییز
دیلیم قان
آل اینجیم وار بو دیلیمین اوجوندا
چالیشیرام دوشسون دیله دیللردن
کونلوم قوشو آداخلی دیر گونشه
هاوا دویغون نه یاغیش وار نه گونش
#حمیدی
یاشاسین عزیز و حورمتلی شاعیر یمز استاد الهی و یاشاسین ائلدار موعلیمی
سالام یاخشی سیز من بیر گروه واریم قیزیل آلما کی تورکی ادبیاتی مورد ددیر اگر تمایل واریزدی بیزه قوشولون تا تورکی دیلین پایلاشدیر آخ
لینک قویا بیلمیرم بوردا /آیدی می قویارام گلین پی وی تلگرام دا /لینک گونده ریم
تشکور ائدیرم سیزدن ????
استاد نادر الهی یاشاسین و شعر لرینن اذربایجان ادبیاتینین یکه و ایستیلی اله سین
شعری که در شب شعر تبریز اشکهایی جاری ساخت
————————-
“قارلی بیرآخشام”
قیش گوردوم…قار گوردوم…یئنه داریخدم
پاییزدا گئدن یار،قیشا قارا باخ
بیر آهنگ آچمشام کونول اوخویور…
موقامدا سزلایان کامان تارا باخ
قیش اولا،قار اولا،گئجه دَ ۱۱
گئدنده باخمادی دالا هچ او بیر
بیلیرم بو ساعات اولاجاقه ۱
عجبا ! قلمده حال زارا باخ
بو سویوق هاوادا نئجه سنسیزم
گوندوزلر دولانسام،گئجه سنسیزم
دردلریمه باخه…بیرجه سنسیزم
منیمله اولمیان منده یارا باخ
گئدیشین اولوبدی بو قارا میدان
یوخلوقون ائله بیل اوریه زندان
گوناهیم سئومکدی قالمشام حیران
جانیمی آلمیان آسلی دارا باخ
اللر بوز ورسادا جیبیمده قالمر
اللرین کئچمیشی یادیوا سالمر؟
اللریم منیده قوجاقا آلمر…
سزاقدا قزاران مثلی نارا باخ
قیش گلدی عادتدی چوخ گول سولاجاق
خاطیرن خاطیرده هله قالاجاق
بی وفا گولومدی منی داناجاق
دانمادی گولونی قیشدا،خارا باخ
مهیارا درد یوخدی،دارخدی بیاز
یوخو یاددان چخب کاریخدی بیاز
دوزلر هاوادا چوخ چکمز بو یاز
گلنده نوبهار باغدا بارا باخ
“مهیار محمودی،خیاودان”
قویمیسان لب لب جانانیوا حال ایله میسن
اولموسان مرد عمل ترک مقال ایله میسن
یازمیسان شام وسحر اینجه غزللر نادر
شهریارین یئری بوش صید غزال ایله میسن
ارادتمند جهان
اوستاد شاعیر نادر الهی جنابلاری
اورک دولو تشکور ائدیرم کی بئله گوجلوغزللرله او اینجه لیکده اورک سوزونوزو دئمکله , “قوشما غزلین واقتی کئچیب “دئیه نلری فیکره دالیرسیز. عومروزه برکت.
سلاملار. یاشاسین عزیز و دیرلی ائلمیزین شاعیری و ادبیاتیمیزین اولدوزو اوستاد نادر الهی و ایشیق سایتین امکداشلارینا دا اللریز آغریماسین دئییرم. اوغورلار اولسون.
ایشیق سایتینا سونسوز تشکرلر نادر الهی نین اوره یینه ساغلیق اوخودوغوم اَن گؤزل غزلرلردندیر .وار اولون