sheybani
بایاتی شاعری اوستاد “جمشید شیبانی”‌ده آرامیزدان کؤچدو!

چوخ تاسفله، آذربایجانیمیزین تانینمیش بایاتی شاعری اوستاد جمشید شییانی اسفند آیی‌نین 13ینجی گونو یاشادیغی تهرانین نازی‌آباد محله‌سینده 85 یاشیندا دونیایا گؤز یومدو. اوستاد شیبانی قوجامان بیر آذربایجان شاعری اولاراق اساس یارادیجیلیغینی بایاتی ژانریندا شعرلر یازماغا حصر ائتمیشدیز. اونون چوخ ساده و صمیمی‌بایاتی‌لاری تهران شهرینده قورولان ادبی انجمن و محفل‌لرین بزه‌یی اولموشدور.

بیز “ایشیق” سایتی امکداشلاری آدیندان بو سئویملی و چوخ مهربان انسانین ایتگیسینی ادبی جمعیتیمیزه، اونون محترم عائله‌سینه و بوتون دوست تانیشلارینا باش ساغلیغی وئریر و اوستادین عزیز خاطره‌سینه عشق اولسون دئییریک.