تبریک ائدیریک…
«زهرا نعمتی» «ماناسلو» زیروه‌سینی فتح ائتدی

الده ائتدیگیمیز خبر اساسیندا، تبریزلی داغچی قادین «زهرا نعمتی» مهر آیی‌نین بئنشینجی گونو هیمالیانین ۸۱۶۳ متیر هوندورلوگونده اولان «ماناسلو» زیروه‌سینی فتح ائتمیشدیر. بئله‌لیکله، زهرا خانیم نعمتی‌نین آدی دونیادا ماناسلو زیروه‌سینی فتح ائدن ایلک آذربایجانلی قادین و ایراندا ایسه ایکینجی داغچی قادین کیمی‌چکیله‌جکدیر.
زهرا خانیم نعمتی «ماناسلو» زیروه‌سیه قالخمادان اؤنجه «ایشیق» درگیسی‌نین امکداشی رقیه خانیم کبیری ایله آپاردیغی دانیشیقدا بو زیروه‌نی فتح ائده‌جه‌یینه ایناندیغینی قید ائتمیشدیر. بو دانیشیق «ایشیق» درگیسی نین مهر آییندا چیخاجاق یئنی نومره سینده درج ائدیله‌جکدیر.
«ایشیق درگیسی» و «ایشیق سایتی» امکداشلاری آدیندان بو غرور وئریجی اوغورو وطنداشیمیز زهرا خانیم نعمتی‌یه و سئونلرینه تبریک دئییریک.