فریبا مرتضایی
قیسا شعرلر(۲۴) / فریبا مرتضایی ۰۵ مهر ۱۳۹۷

قیسا شعرلر(۲۴) / فریبا مرتضایی

قیسا شعرلر(۲۴) فریبا مرتضایی (۱) آشکارلار آجی، گیزلین‌لر شیرین اولور؛ سن گلینجه گیزلینجه آغزیمین دادی ده‌ییشیر؛ آدین دیلیمین اوجوندا شیرینلشیر. (۲) وشاقلیغیمدا بیله‌ییمین اوستونو دیشلردیم پوز وئرم بیر ساعات اوچون، جانیم هئچ اینجیمزدی؛ بو گونلر باشیمی‌آپاران، بیله‌ییمی‌قوپاران، جانیمی‌آجیدان، عؤمرومو فیرلادیب اؤلومون اته‌یینه آتان زاماندیر. (۳) کیپریک‌لریم یاناغیمی‌دئشیر، سالخیم -سالخیم آغلاییرام؛ گئت دئمیشم!، نئیله‌ییم، نئیله‌ییم سنسیز […]

قیسا شعرلر(۲۳) فریبا مرتضایی ۱۶ آذر ۱۳۹۶

قیسا شعرلر(۲۳) فریبا مرتضایی

قیسا شعرلر(۲۳) فریبا مرتضایی (۱) قار یاغیر آغیر- آغیر، سئرچه‌لری شاختا چالیر؛ چؤره‌ک دولو اته‌ییم سیلکه‌لنیر، آغلاییر. (۲) بو قیسا دونیادا نئجه من اوزون- اوزون اؤلموشم؟! (۳) کؤنلوم آددیم آتماق ایسته‌ییر کوچه‌نین او تاییندان بو تایینا؛ قورخما سانا ساری دئییل! (۴) آچ قاشلارینین دویونون! باخیشین توتولور آییمی‌ایتیریرم. (۵) یول وئر گؤزل گؤزلریندن کئچیم! بو یولدا […]

قیسا شعرلر(۲۲) / فریبا مرتضایی ۱۵ شهریور ۱۳۹۶

قیسا شعرلر(۲۲) / فریبا مرتضایی

قیسا شعرلر(۲۲) فریبا مرتضایی (۱) اذن وئر سنی سس‌سیز دوشونوم! سنی دینمه‌دن دانیشیم، باخمادان آغلاییم! بویور بو من بو سس‌سیزلیگیم، آخان گؤزلریم، آغزیمدا یوخ اولان دیلیم! بویور دیلیم- دیلیم! بودا سون دوراق؛ گل چییین- چییینه چاره‌سیزلیگه دایاناق! (۲) آی منیم اوشاقلیغیم هایاندا قالمیسان؟! گونلرینین آغی ساچیما دوشوب قاراسی بخت آیناما؛ باخیب- باخیب آغلامیشام. دیزلریم گلمیر […]

سانکی هئچ اولمایان بیریسی واردی! / بیژن نجدی- چئویرن: فریبا مرتضایی ۲۴ تیر ۱۳۹۶

سانکی هئچ اولمایان بیریسی واردی! / بیژن نجدی- چئویرن: فریبا مرتضایی

سانکی هئچ اولمایان بیریسی واردیر! بیژن نجدی چئویرن: فریبا مرتضایی تهراندان گلن اوتوبوسون بیر صندلیسی بوشدور. تبریزدن گئدن قاتارین بیر کوپه‌سی بوشدور. بیر سیراسی بوش اولمالی‌دیر- تاماشاچیلارلا دولو شیراز سینامالاری‌نین. سانکی هئچ اولمایان بیریسی واردیر! سانکی گلمه‌ین چوخلاری واردیر… بلکه‌ده؛ منیم گؤزومده‌ بیریسی وار گؤزومدن گئدیب نه بیلیم!

قیسا شعرلر(۲۱)/ فریبا مرتضایی ۱۸ اسفند ۱۳۹۵

قیسا شعرلر(۲۱)/ فریبا مرتضایی

قیسا شعرلر(۲۱) فریبا مرتضایی (۱) بو اوزون گئجه‌ده سنسیزلیک منی اؤلدوره‌جک بیر آه یوللا چیلله‌لیک باشیما چکیب یاتیم (۲) چیچکلر خزانا دوغرو آچارلار او یاز دا کی سن یوخسان؛ یوروملا اینانمادیغیم یوخونو! (۳) سن یوخسان یاناقلاریمین قیریشیندان آجی بیر چای آخیر بیر قندیله آغزیمین دادین آلدادیرام بو آجینی شیرین-شیرین باشا چکیرم بو منیم اوره‌ک یازیمدیر […]

قیسا شعرلر(۲۰)/ فریبا مرتضایی ۱۷ آبان ۱۳۹۵

قیسا شعرلر(۲۰)/ فریبا مرتضایی

قیسا شعرلر(۲۰) فریبا مرتضایی (۱) سون باهاردا یازدیم- توم قارشیلیقسیز دویغولاریمی؛ هارادا اولورسان اول، فصیللره آلدیرما! سن، منیم ایلک باهاریمسان. (۲) سسین ایندییه‌دک قولاغیمدا؛ سندن گلن بیر سالام- دیریلدیر منی. یوخلا منی! -«هله‌لیک» دئمه، اؤلدورمه منی! (۳) یئنی‌دن باشلاماق نه دئمک؟! اوره‌ییمه یئرلشیبسن قاداسی! (۴) گئری دؤنوش- یالان دؤنوشدور. قالان- گئتمز! (۵) غم نه قده‌ر […]

ایکی هدیه / فریبا مرتضایی ۰۵ شهریور ۱۳۹۵

ایکی هدیه / فریبا مرتضایی

ایکی هدیه فریبا مرتضایی ۱٫ سن گئده‌لی… (اوغلوما) سن گئدن آستانانی اؤپورم سن گزن کوچه‌لری گزیرم- سنسیز، سس‌سیز، سمیرسیز. هر سسه ساری دؤنورم اولمایا سن دؤنوبسن! قیفیللانیب باخیشلاریم، گؤزلریم ائشیکده. گولمک ایسته‌ییرم رسیم‌لرده باخیب سئوینه‌سن. اوزوم گولور، دولو اوره‌ییم یاغیر, ها یاغیر بوشالمیر اوغلوم! او بوش یئرین دولمور اوغلوم! ۲٫ آغ آندلی شاعریمیز… (اوستاد نادر […]

قیسا شعرلر(۱۹)/ فریبا مرتضایی ۰۷ اردیبهشت ۱۳۹۵

قیسا شعرلر(۱۹)/ فریبا مرتضایی

قیسا شعرلر(۱۹) فریبا مرتضایی (۱) آج گؤزلریم دیله‌نیر بیر پیالا باخیشینا؛ من یوخسولام، نه دئسه‌لر دوغرودور. (۲) عشق آجیدیر کؤنلونون قاپیسین باغلاسادا، باخ، نه گؤزل- قاپانمیش گؤزلرینی آچیر! (۳) سسله منی من بورالاردا سنین‌هاوانلا دولانیرام! سسینی آلیرام، سنین‌هاوانلا اؤپورم. (۴) سن منیم اوره‌ییم؛ سنسیز نئجه چیرپینیم، نئجه دؤیونوم، نئجه چابالاییم؟! قورخما قال من دایانمارام! (۵) […]

قیسا شعرلر(۱۸)/ فریبا مرتضایی ۲۲ بهمن ۱۳۹۴

قیسا شعرلر(۱۸)/ فریبا مرتضایی

قیسا شعرلر(۱۸) فریبا مرتضایی (۱) گل گزدیریم سنی سنسیز اؤلدویوم یئرلری (۲) منی اؤلدورن سن سن قبریمین اوستونده نه گزیرسن قورخما اؤلن دیریلمز تورپاقین اوزو سویوقدور سن بیردن اوشومویه سن؟ (۳) سن سئودیییم قادین اذن وئر، سنی سس‌سیز دوشونوم سنی دینمه‌دن دانیشیم باخمادان آغلاییم بویور بو من، بو سس‌سیز‌لیییم آخان گؤزلریم آغزیمدا یوخ اولان دیلیم […]

چیلله‌لیک‌ / فریبا مرتضایی ۰۱ دی ۱۳۹۴

چیلله‌لیک‌ / فریبا مرتضایی

چیلله‌لیک‌ فریبا مرتضایی (۱) ناردیر اوره‌ییم؛ یوخلوغونا چاتلاییر بو اوزون گئجه‌ ده. دویغولاریم قان آغلاییر؛ دؤن گل! گؤزلریم اووجلاریمدان- اته‌ییمه آخیر. (۲) قارپیز شیریندیر، سنسیزلیک آجی. سویوقدور قوردوغوم کورسی… نئجه دیلیم- دیلیم ائله‌ییم چیلله – چیلله دئدییمیز – اوزون گئجه‌نی؟!  (۳) بو اوزون گئجه‌ده سنسیزلیک منی اؤلدوره‌جک؛ بیر آه یوللا چیلله‌لیک باشیما چکیب یاتیم.