کیشی اولسایدیم…
رویا شاه‌حسین‌زاده – چئویرن: حسین مصری

کیشی اولسایدیم ایه‌ر
سنسیزلییی
قیشین باتی چاغلاریندا
اوزاق بیر قفه‌خانادا
سیگارئت چکردیم،
دؤنردی
سنسیزلیک بیر توستویه
قوناردی قفه‌خانانین
کیرلی شوشه‌سی‌نین
بوخاری اوستونه
سونرا
دایاناردیم اوستولا
یوماردیم گؤزلریمی
حالقا سالاردیم بارماقلاریمی
اینجه بئل
ایستی چایلی ایستکانین دؤره‌سینه
بلکه
چوخ اونودام سنی.
نامرداولسایدیم ایه‌ر
سنسیزلییی اونوداردیم
ایندییه‌دک من.
کیشی دئییلم!
آمما نامردده دئییلم
قادینام
و سنسیزلیک
کؤینه‌ییم اولوبدور منیم.