Home / شعر / بابک قالاسی‌نین خاتینی / فرانک فرید(ایپک)

بابک قالاسی‌نین خاتینی / فرانک فرید(ایپک)

faranak farid
بابک قالاسی‌نین خاتینی
فرانک فرید(ایپک)

ياسديغيمدا بوغولورام،
و ايچديگيم بير ايچيم سودا.
گؤز ايله ايشيق، بير آرايا گلمه‌دی،
بو چنلی شه‌هريمين قالاسيندا.

اوخشاييرام،
بابك قالاسی‌نين خاتيـنينی اوخشاييرام.
سن گلن گون قيرميزی دونومو گئيه‌جه‌یم
و اوزون-اوزون ساچلاريمی
آياغي‌نين آلتينا سره‌جه‌یم.
قاراليغيندان قورخما،
سن گلنه‌دك آغاراجاقلار.

اوزونه هئچ توز قوندورما!
قادينين قانينا قاريشيب
قوروماق،
بوتون كؤرپه‌لری اميشديرميشم
شراب كوپ‌لرين يئره قويلاميشام
سؤز سالخيم‌لارين اوره‌یيمدن آسلاميشام
آغلاسام دا، گيزلیجه آغلاميشام.

باخسان گؤرر‌سن،
يئنی‌دن گلين اولوب ــ
قالانين قيوريم پيلله‌لريندن
يئنـه‌رك، سمايا بويلانيرام؛

قول‌لاريمی‌ائله بوينونا سالا بيلـه‌رم كی . . .
تیر آیی 1383

About ایشیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *