nami
منی داریخدیران
یعقوب نامی

منی داریخدیران هیجران دئییل کی
اؤزومو اؤزومسوز حیسس ائله‌مک‌دیر
بئله‌جه نفه‌سین گلیب گئتمه‌سی
حیات‌سیز دیریلیک یالنیز دئمک‌دیر

داها اؤزومه‌ده جاواب تاپمیرام
اوزانیب اللریم قیسالیب دیلیم
بئله‌جه فیرلانسا دونیا باشیما
گؤزلریم آخاجاق هارا نه بیلیم

منی سارسیدانماز هئچ نه دئینده
اؤزومون اؤزومه گولماغیم گلیر
سونرادا اؤزومه گولومسه‌یه‌رک
بولود تک یاغیشا دولماغیم گلیر

ایندی سارسیدیجی اؤزوم اولموشام
قارانلیق گئجه‌ده،چیراغسیز یولدا
ائله قورخورام کی گله بیر زامان
صاباح‌سیز یاشایام بایاغسیز یولدا

3 پاسخ

  1. سونرادا اؤزومه گولومسه‌یه‌رک
    بولود تک یاغیشا دولماغیم گلیر

    چوخ گؤزل… لذت اپاردیم . وار اولون عزیز شاعیر حؤرمتلی نامی جنابلاری

  2. “منی سارسیدانماز هئچ نه دئینده
    اؤزومون اؤزومه گولماغیم گلیر
    سونرادا اؤزومه گولومسه‌یه‌رک
    بولود تک یاغیشا دولماغیم گلیر”…

    چوخ گؤزل و آنلاملی بیر شئعر اوخودوم. اوره یینیزه ساغلیق عزیز و حؤرمتلی شاعیریمیز نامی بَی.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4