Home / شعر / وطنداش / مهرداد فخری

وطنداش / مهرداد فخری

وطنداش
مهرداد فخری

قار آدامام
قارنی یئکه
بئینی خیردا،
یوغرولموشام
اوردا – بوردا.
الیم یوخدور
گؤروشمه‌یه
دیلیم یوخدور
دانیشماغا.
گؤزوم باخیر
بیر کور کیمی
قولاق آسیر
لاپ کار کیمی.
سکوت منیم
همدمیم دیر
پارلاق گونش
قنیمیم دیر.
آددیم آتسام
اؤله جه یم
گونه باخسام
ایته جه یم.
من آدامام
وطنداشام
مدنی‌یم
سحر- آخشام :
هئیکل لاغلی
اه‌ینیم چیلپاق
دوداق باغلی
دیلیم یاساق.
قار آدامام
بئینی خیردا
بیر آزغینام
من آخیردا….
۹۶ نجی ایل – قیش

About ایشیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *