ساری گلین
دومان یالچین

گؤزومون کؤکو سارالدی
هاردا قالدین ساری گلین؟
باغریمین باشی قارالدی
هاردا قالدین ساری گلین؟

منی سنده قیناییب‌لار
سنسیزلیییمه‎ ‎قیییب‌لار
دردیمه‎ ‎سنی اویوب‌لار
هاردا قالدین ساری گلین؟

الین بولودلار الی‌دی
یوللاریما داش اله‌دی
سنسیزلیک منی مله‌دی
هاردا قالدین ساری گلین؟

ساچین گوللری بوروسون
بیر-بیر اولدوزو سوروسون
آغزیمدا دیلیم چوروسون
هاردا قالدین ساری گلین؟

آه… بو دره‌نین اوزونو
چوبان قایتارمیر قوزونو
اؤلسمده گؤستر اوزونو
هاردا قالدین ساری گلین؟

گئتدین ایتیردیم سؤزومو
کول ائتدیم یاشلی گؤزومو
گؤزومه قوشدوم اؤزومو
هاردا قالدین ساری گلین؟

۹۱ اینجی ایلین قویروق دوغان آیی.