Home / شعر / یارپاقلار تؤکولنده/ ذولفقار کمالی

یارپاقلار تؤکولنده/ ذولفقار کمالی

یارپاقلار تؤکولنده
ذولفقار کمالی

کؤنلومده بیر تیتره‌ییش
یارپاقلار تؤکولنده!
الوداع ای سون باخیش
یارپاقلار تؤکولنده!

آرزیلاریم داش اولدو،
تورپاغا یولداش اولدو،
گؤزلریم یاشا دولدو
یارپاقلار تؤکولنده!

اینجه خیاللاریمدا
گول قالیب اللریمده؛
باغلاندی یوللاریمدا
یارپاقلار تؤکولنده!

ساپ -ساری زعفران تک
سولدو الوان گول چیچک؛
آغاجلار نئیله‌یه‌جک
یارپاقلار تؤکولنده؟!

About ایشیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *