ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4

آخشام اوستوسو
کامیل قهرمان‌اوغلو

سنسیز بوکولدو یاپراغیمین آخشام اوستوسو
آه، بالتالاندی توپراغیمین آخشام اوستوسو
مین اوچ یوز ییرمی اوچ اوبامین گولله‌لنمیشی
اون بیر شهرده اویلاغیمین آخشام اوستوسو
آخشام ساچیلدی تانری‌یا دوغراندی صوپ چاغی
تبریز شکیللی بایراغیمین آخشام اوستوسو
باخ گؤر پیچاقلانیب نئجه قارنی گون اورتاسی
بیلدیرچین آهلی چایلاغیمین آخشام اوستوسو
تام قوردلاییبدی بوردا ساعات دوققوزو آران
تام قارقانیبدی یایلاغیمین آخشام اوستوسو
بیر گونده اوخلانیبدی، اوفوف، اوف، اوفوفلانیب
مین دورد یوز ایلده چارداغیمین آخشام اوستوسو
مین اوچ یوز اللی اوچ باهاری منده، لئش قالیب
بئش مین جینازه‌دیر داغیمین آخشام اوستوسو …

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *