Home / شعر / گوزگوده / ناصر داوران

گوزگوده / ناصر داوران

گوزگوده
ناصر داوران

گوزگونون دومانلیغیندا
منی یامسیلایان کیمسه
رضا شاه‌دان قالان قاطارین
عکس صداسی،
موزئی اشیالارینین
ائکیز باجیسی.
ایندی پایین آیری چکیر مندن
منیمله برابر
گنج ایل‌لر یاشایان کیشی
من دئییلمیش کیمی.
یاتاغیمدا لاپ یاخشی دویورام بونو.
خاطیره‌لریمه قاریشان هوس‌لریم
یوزولماز یوخولاریمین اسکی قایناغی.

ترک ائدیر بویالاری
جنگی بسته‌لر،
تورپاغین یاش نفسینه قاریشمیش
ساری‌لی، قیرمیزی‌لی یارپاق‌لار
گئرچک‌لشیر
گوزگوده‌کی کیشی ده.

About ایشیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *