Home / شعر / حلال خوشون اولسون! / ح. هریزلی

حلال خوشون اولسون! / ح. هریزلی

حلال خوشون اولسون!
ح. هریزلی

اوره‌ییمی‌آلان گؤزه‌ل
آل کی حلال خوشون اولسون!
منی درده سالان گؤزه‌ل
سال کی حلال خوشون اولسون!

نه قول قویدون نه ده قاناد
ییخذین ائویم، ائوین آباد!
اوره‌ک سازین چالماسین یاد
چال کی حلال خوشون اولسون!

اینجید، هردن گؤیلومو آل
آلا گؤزلو کؤرپه مارال!
«هریزلی»نین قلبینده قال،
قال کی حلال خوشون اولسون!

About ایشیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *