n-davaran1بیز واریق
ناصر داوران

یاشیل قاباقلی مئشه‌نین
مهربان قوینوندا
قالاق‌لار وار
یان ـ یانا
اوجاق‌لار وار
اودو سؤنمز.
چپرسیز ائو‌لر
نه خوشبخت یاشاییرلار!
قیزلارین ساچی گونش‌ تئلی‌دیر
گؤزلری عمان.
گئجه‌لر، اولدوزلار سوسویاندا
اییلیب، ایچیرلر
مئشه‌نین نغمه‌کار سویوندان.
بخته‌ور باشینا گونشین
هر گون، گون اورتا چاغی
سریر دؤشه‌مه‌سین
تکم سئیره‌ک آغاجلی اوتلوغا.
بیر آز دینجه‌لیم‌ـ دئیه
اوزانیر آرخایینجا.
دینله‌ییر مئشه خوروزون
دینله‌ییر حیاتین آیاق سس‌لرین
یاشیل یارپاق‌لارین داماریندا.
گول عطرینه بلنمیش سرین کولک‌له
قول‌ ـ بویون اولور،
اؤپوشور…

یئنیجه قالاق‌لار قالانیر
یئنی بیر آتش توستوسو
بیز واریق، دئییر
مئشه‌نین درین‌لییینده.
هامی اودون داشیییر.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4