چئویرن: ایشیق
ترجمه: ایشیق
ایشیق

susen navade
بیر حیکایه‌دیر تبریز!
سوسن نواده رضی

بیر حیکایه‌دیر تبریز!
بیر به بیر آغاجلارین قولاقلارینا پیچیلداناجاق
گئنه هاممی یاتاجاق
گئنه جیرتدان اویاق قالاجاق
گئنه دئولر اودوزوب یوخا چیخاجاق
گئنه ده
اننه‌مین ناغیللاری قازاناجاق.

بیر حیکایه‌دیر تبریز!
گئنه ده تیکان ییغان یوخسول کیشی‌نین
عاغیللی قیزی
شاه ائوینه گلین گئده‌جک
گئنه، گوللر آچاجاق باهار گله‌جک
گئنه سیتاره بختی قاره
صبر ائده‌جک
صبیر داشینا یالواراجاق
گئنه دؤزوم بره بیتیره‌جک، دؤزن آپاراجاق
گئنه قارا بَبی‌نین یالانلاری بلله‌نه‌جک
هامی نار قیزلاری‌نین معصومیتینه ایناناجاق
و یئردن اوچ آلما گؤیه اوچاجاق
بیریسی آیین،
بیریسی گونشین
بیریسی ده بیزیم اولاجاق.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بیر حیکایه‌دیر تبریز!/ سوسن نواده رضی

ایشیق
www.ishiq.net

آذربایجان ادبیات و اینجه‌صنعت سایتی

بیر حیکایه‌دیر تبریز!/ سوسن نواده رضی

ایشیق
www.ishiq.net

آذربایجان ادبیات و اینجه‌صنعت سایتی

بیر حیکایه‌دیر تبریز!/ سوسن نواده رضی

ایشیق
www.ishiq.net

آذربایجان ادبیات و اینجه‌صنعت سایتی