fariba mortazai
قیسا شعرلر (۱۴)
فریبا مرتضایی

(۱)
بیر سس
اوره‌ییمی آپاریر
باخیرام گلیشیندیر؛
بیر سس
اوره‌ییمی تؤکور
ائشیدیرم گئدیشیندیر؛
گؤزوم چیخسین
قولاغیم باتسین
بوراخ
من اؤلوم
چکدیییم اسینتی‌لر
آرادان چیخسین!
(۲)
گئجه باشا باش یوخونو گؤردوم
گؤردوم کی
اورک داریخمالاریم بؤیودولر
یولا دوشوب آغلاییرلار؛
گؤردوم
دالیجا دنیز اولموشام؛
باشینا دولانیم
قایید گل عزیز!

(۳)
گئجه‌نین اَن قارانلیق دَمی
شافاقین اؤنجه‌سی‌دیر؛
بیلیرم دؤنه‌جکسن
قارا گؤزلریم
ایشیق – ایشیق آخاجاق.

(۴)
سون باهارین یارپاقدیر
گلن گئدن آیاقلاییر
خوشونا گئدیر
خیشیلدادیر
نه آپاران وار، نه دیندیرن
یازیق اوره‌ییم
تک باشینا ازیلیر!

(۵)
اوره‌ک داریخما ندیر کی –
اوره‌ک داغیلان یئرده؛
قایید گل ،
سن تؤک – داغیدی سئورسن !

2 پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4