Home / شعر / قیسا شعرلر(۱۳) / فریبا مرتضایی

قیسا شعرلر(۱۳) / فریبا مرتضایی

fariba mortazai
قیسا شعرلر(۱۳)
فریبا مرتضایی

(۱)
من
سنی بوسبوتون سئویرم،
سن
منی یاریمچیلیق قبول ائت؛
شیکسته‌یم
باخ گؤر
نئجه سینمیشام!

 (۲)
اینانجیمی،
سنه اولان سئوگیمی
یاهالتدین یار!
نئجه دایانیم –
گؤزلرینین محرابینا
وفا قیلیم؟!

(۳)
اوره‌ک داریخما نه‌دیر کی
اوره‌ک داغیلان یئرده؟!
قاییت گل؛
سن تؤک- داغیدی سئورسن!

(۴)
نئیله‌ییم-
بو سنسیز باهاری؟
بوراخ اوره‌ییمده کی-
خزان اسسین!

(۵)
نه قاتدین-
بو سئوگییه؛
دورولمور؟!

About ایشیق

One comment

  1. فریبا خانیم داد آلدیم شعیرلریندن
    فیکرینه گوج ، و قلمین قان قیرمیزی .
    سئوگیلی شاعیر.
    داها یاشامالیسان شعیرین کیمی.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *