fariba mortazai
قیسا شعرلر (۱۰)
فریبا مرتضایی

(۱)
غریب دوشموشم –
تانیش اوره‌یینده.
من سنه داغیم دئدیم؛
نه گزدیریرسن یانا – یانا اته‌یینده؟!

(۲)
گؤزلریم
باخیشینا مه‌له‌ییر؛
جانیم
جانینا دوشوب ایمک‌له‌ییر؛
دؤن گل!
سئوگیم اوشاق‌دیر
دؤزمه‌ییر.

(۳)
آغیردیر یالقیزلیق
نه اوره‌ییم چکیر، نه دیزلریم؛
گئدیشیمی ائشیت،
سس وئر!
کیم اؤز آرخاسیندان سو سپر؟!
من سپدیم؛
سنه ساری دؤندوم،
چاره‌سیزلیگیمی دورولاییب
اوره‌ییمین بندی
اورایا سردیم.

 (۴)
اوره‌ییم گئدیشینده
باغریم گلیشینده
اسیر!

(۵)
یوخسول منم
سن اولمایاندا؛
دؤن گل
آووجلاریمین یئرینه،
اوره ییم آچیلسین!

7 پاسخ

  1. سلام فریبا خانیم
    الینیزه سالیق چوخ گوزه لدیر ……..
    مین یاشایین

  2. چوخ گؤزل و اورک اوخشایان شعرلر اوخودوم…قلمینیزه ساغلیق…اوغورلار اولسون.

  3. چوخ گوزل و دویغولی شیعرلر اوخودوم
    اللریز آغریماسین عزیز و موحترم شاعیریمیز
    حورمتلی فریبا مرتضایی خانیم اوغورلار اولسون سیزه
    سایقیلار و حورمتلر سیزه و بوتون ایشیق سایتیندا چالیشانلار
    و دیرلی یازارلارا

  4. چوخ گؤزل شعرلر اوخودوم تشکرلر ائلمین حؤرمتلی و مهربان شاعیری .و سونسوز تشکرلر ایشیق سایتیندا چالیشان عزیز قلمداشلار. درین حؤرمتله

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4