سنسیزلیک‌لر(1) / مجتبی نهانی

mojtaba nahani
سنسیزلیک‌لر(1)
مجتبی نهانی

(1):
دمیر یولو-
اوتاغیمین ایچیندن کئچیر،
بو یالنیزلیق-
منی‌هارالارا آپاراجاق؟!
(2):
یامان گونه قویماسین-
اوره‌ییمده کی سؤزلری-
سسسیزلیک،
سنسیزلیک.
(3):
دیلیم، داماغیم قورودو
گئجه قوشو اوچدو
اللریم اللرینی آختاریر.
(4):
اَن درین‌لرده
-دنیز دیبینده-
بالیق‌لار آراسیندا
یاشاماغا داریخمیشام،
من بیر بالاجا آغ ناققا بالیق دوغموشام
یالنیز اولماق، دَریمده گیزلی‌دیر.
(5):
گَل قوللارینی آچ
بیر دونیا آزدیر سنی سایماغا
سونسوزلوق بونا گؤره یارانیب.

 

Check Also

بیر اوووج شیفره‌دن عیبارتم/ افراسیاب نورالهی

بیر اوووج شیفره‌دن عیبارتم افراسیاب نورالهی بو منیم بانکا کارتیمین شیفره‌سی…… بو یاناجاق کارتیمین …… ...

۲ comments

  1. ایشیق امکداشلارینا سونسوز تشککورلر . یاشییاسیز.

  2. فریبا مرتضایی

    گؤزل شعر لر اوغورلار اولسون

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *