یئنی خبرلر

تاپماجالار/ توپلايان: فريدون محمدي


تاپماجالار- چاناق بولاغ کندي(اردبیل)
توپلايان: فريدون محمدي

  • آتدان اوجا ايت‌دن آلچاق. «يهر».
  • آزان چکر ناماز قيلماز, آرواد آلار کبين سالماز. «بئچه».
  • آسدي درگاه ايچمه‌لي, اوسدو گؤي اوت بيچمه‌لي. «قويون».
  • آلچاق دامنان قار ياغار. «قلبير», «الک».
  • آلچاق قويودان سو شاققيلدار. «قاليان».
  • آللاه‌دان آشاغي, پيغمبردن اوجا. «عمامه».
  • اوبادا فرمان. «خوروز».
  • کندده سوليمان. «کوپک».
  • او تاي قايا, بو تاي قايا, اورتاسيندا شيرين پايا. «گؤز».
  • اورتاسي جهنم, دؤره‌سي دريا. «سماو‌ر».
  • اوزو توکلو, اوندان اولان توک سوز, اوندان اولان توکلو. «تويوق».
  • اوستو اوددو پاريلدار, آلتي سودو خاريلدار. «قاليان».
  • اول‌کي مخمل ساتان, ايکينجي پامبيق ساتان, اوچونجو آغاج ساتان. «اييده».
  • اون آياغي‌وار, اوچ باشي آغاجدان داياغي وار. «خيش».
  • بيرقيچي اوسته دولانير.«قاپي».
  • دؤرد دؤوروش بير قويويا داش آتار. «سوتون ساغيلماسي».
  • اويان دووار, بويان دووار, اورتاسيندا مييان دووار. «بورون».
  • ايکي داغ‌دير, آراسي دولو ساري‌ مايا. «يومورتا».
  • ايکي داغين آراسيندا بير ياش ات. «ديل».
  • ايليم ايليم دويمه‌سي, ايليم ختيم دويمه‌سي, اونو تاپمايان يئددي ايلين خسته‌سي. «اوزه‌رريک»
  • بابام بير کيليم آليب, قاتلاماق اولماز. «گؤي»
  • بير جوت باشماق آليب جوتلمک اولماز. «اولدوز».
  • بابامين بير ايپي وار, آلابولادير. «گئجه گوندوز».
  • بابامين بير سورو آغ قوزوسو وار. «ديش».
  • بابامين بير شالي وار نه‌قده‌ر ساريسام قوتارمير. «يول».
  • بالالارين ييغار باشينا آغلار (سيزيلدار). «سماو‌ر».
  • بالدان شيرين بالتادان آغير. «يوخو».
  • بو بئله هوت داشي (ال ايله اندازه‌سين گؤستريرلر) يانديرير داغي- داشي. «ايستي‌اوت».
  • بوردان بير ماما چيخدي, ال قويدو داما چيخدي. «پيشيک».
  • بير اوزون قيزيم وار. گئجه‌ ده گئده‌ر گوندوز ده. «چايين سويو».
  • بير اوزانير, اوچ قاتلانير. «بافا, يونجانين بافاسي».
  • بير ايپيم وار ايکي قاتي قويويا چاتـير, تک قاتي چاتمير. «ناماز قيلانين اييليب دورماسي».
  • بير داميم وار, تک ديره‌يي وار. «گؤبه‌لک».
  • بير داميم وار يولو يوخ, کؤينگيم وار قولو يوخ. «قبير» «کفن».
  • بير شئي واردي يئميشديم, يئمه‌سئيديم اولموشدوم, ايندي اولسا يئمه‌رم, يئمه‌سم‌ده اؤلمه‌ر‌م. «آنانين سوتو».
  • بير شئييم وار باشي جهنم, اورتاسي مئشه, آلتي دريا. «قاليان».
  • بير شئييم وار يئريينده بير قيچي وار اوتوراندا اوچ قيچي. «فورغون».
  • بيرکم آشيغيم وار, ايچينده بير ساققا (آشيغين بويوگو). «اولدوزلار ايله آي».
  • بيرکم آشيغيم وار گئجه سپيب, گوندوز ييغيرام. «اولدوز».
  • بير کؤينک وار گئتسم بازارا آلمارام, آلسام گئيمه‌ر‌م. گئيسم‌ده گؤرمه‌ر‌م. «کفن».
  • بيز بير دسته قيز ايديک, بيزي ازديلر, ايپه دوزدولر. «اريشته».
  • بيزيم ائوده اوسوب ياتـيب, قولاقلارين قيسيب ياتـيب, بير داش ووردوم اويانمادي, ائله‌ بيلديم کوسوب ياتـيب. «موتال».
  • بيزيم حيط‌ده قويو وار, قويونون سويو وار, سويونون ايلاني‌ وار, ايلانين گؤزو وار. « پي‌سوز چيراق ».
  • پالتارين چيخارداندا آدام آغلار. «سوغان».
  • تاپ تاپماجا, قاب آلتداجا. «کوفته».
  • چکديکجه‌ گوده‌لر. «سيگار».
  • حاجي‌لار حاجا گئده‌ر, عهد ائله ييب گئجه گئده‌ر, بير يومورتانين ايچينده قيرخ دنه جوجه گئده‌ر. «نار».
  • داغا داشا وورارام سينماز, سويا وورارام سينار. «کاغاذ».
  • داغدا تاپپيلدار. «تئشه».
  • چايدا چاپپيلدار. «باليق».
  • داغ‌دان گلر داغ کيمي, باغيرار اولاق کيمي. «سئل».
  • داغ‌دان گلر داغ کيمي, قول‌لاري بوداق کيمي, اييلر سو ايچمه‌يه, آنقيرار اولاغ کيمي. «نئهره».
  • دام اوسته دايلاق اوينار. «دولو».
  • دام اوسته ساري يايليق. «بوراني».
  • دولوسو ايله بوشو, بير وزن‌ده‌دير. «ناوار- لئنتا».
  • زر زره ياپيشيق,زر دووارا ياپيشيق, زر خانيم گلمه‌سه, زر دوواردان آچيلماز. «کيليد و قيفيل».
  • ساري‌دي سامان دئييل, يازي‌لي‌دي قران دئييل. «قيزيل».
  • ساققالي اتدن, بورنو سوموکدن, گليردي بنددن, هاي وئردي کنددن. «بئچه».
  • سانديغيم وار آغزي جفردار, آغزين آچاندا دونيادان خبردار. «گون».
  • سيلديم سوپوردوم حاجي لئيلک گلدي اوتوردو. «جهره».
  • شهري قيرميزي, مردومو قارا. «قارپيز».
  • قاپي داليندا گيزگلي (ساچلي) قيز. «سوپورگه».
  • قارا سيغير گئده‌ر قالماز, آغ سيغير ياتار دورماز. «گئجه گوندوز».
  • قوجا بابام دامدادير, ساققالي ائيواندادير. «چيراغين ايشيغي».
  • قوجا کيشي داغ‌دان شله ائنديره‌ر. «اوزقيرخان ماشين».
  • قويروغوندان توتارام قان قوسار. «چاي‌نيک».
  • قويروغوندان توتمايـينجاق ائوه‌گيرمز. «قاشيق».
  • قيرميزي اؤکوز ياتار دورماز, گؤي اؤکوز گئده‌ر گلمز. «اود» ايله «توستو».
  • کئچه‌دن کومبز, قاپوسو يوخدور. «قارپيز».
  • کهر کهر کهر آت, بئلي چؤکوک کهر آت, نه مئيداندا توتولور نه بازاردا ساتـيلير. «پشه».
  • گئده‌ر بوتون يئري گزر, گلر آغزي آچيق ياتار. «باشماق».
  • گوده قيلينجيم, دووارا کئچيم. «ايينه».
  • گويدن گليب لام ونان (ل, ن), بير دسمال بادامينان, نه آغزي وار نه گؤزو, دانيشار آدامينان. «قران».
  • گوي‌دن يئره ساللانير, اوشاغا وئردين آللانير. «آلما».
  • ننه وينکي ياپيشيق, ده‌ده‌ وينکي بير قاريش. «ناماز قيلان‌دا قيچ لارين حالتي».
  • نه يئرده‌دي نه گؤي‌ده, حالقا ووروب بير يئرده. «دامين اوست باجاسي».
  • نه يئرده‌دي نه گؤي‌ده,ظولم جهان ايچينده. «باجا».
  • هاپ هاپي, کرکي ساپي, بير بوداغين بئش يارپاغي. «بارماقلار».
  • هامي‌‌ني بزه‌ر, اوزو لوت گزه‌ر. «ايينه».
  • هانسي قورباني اولدوغوم‌دي, توکو ايچينده‌دي. «موتال».
  • هانسي ميوه‌دي‌کي کال ايکن شيرين‌دي, يئتيشدي آجي‌ اولار. «پوسته».
  • هرنه‌يي چکسن قيريلار, بونو چکديکجه اوزانار. «سؤز».
  • هور‌ر, هور‌ر, بورنو شيشر. «جهره».
  • هيني هينيجه, کورسو بويداجا, دوه‌دن اوجا. «کجاوه».
  • يئر آلتيندا آينا گئده‌ر. «گافايين» (گاو آهن).
  • يئر آلتيندا اوخلوو گئده‌ر. «ايلان».
  • يئر آلتيندا توکلو موتال. «سيچان».
  • يئر آلتيندا قانلي کاسا. «چغندر».
  • يوخاري گئتسه آشاغي گلمز. «ياش»
  • يوک اوستونده پارا فتير. «آي».
  • يونتالديقجا ايشگه‌لر: «قويو».

جوابی بنویسید

ایمیل شما نشر نخواهد شدخانه های ضروری نشانه گذاری شده است. *

*

شما می‌توانید از این دستورات HTML استفاده کنید: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

بالا