ایشیق‌لار‌ داریخیر / بهزاد بیات فرد(حسرت زنگانلى)

ایشیق‌لار‌ داریخیر
بهزاد بیات فرد(حسرت زنگانلى)

قاپ-قارانلیقدى شەهر یایغین ایشیق‌لار‌ داریخیر
اوستونو غم بوروموش گؤى یاراشیق‌لار‌ داریخیر
و ساواش‌دیرسا قیلینج کیمسه کى‌هاى-کوى سالیبان
بو بوزومتول دؤیوشه آل باریشیق‌لار‌ داریخیر
بوردا ساز تـوزلو قاوال چانتادا چالمیر بالابان
پینتى غم‌لر بورویوب شهرى آشیق‌لار‌ داریخیر
خیـاوان‌لار‌ باغــیریـر دردلى شـەهر آغلایاراق
کوچه‌لر، دام یولولار، دار -دولاشیق‌لار‌ داریخیر
مور بویاق مورگو باخیش غمله بولانمیش بیرینه
بو یوموق فلسفه‌دن تام دانیشیق‌لار‌ داریخیر
بوراخـیب کـندى گــونش شـوقونا گـلمه بورایا
قاپ قارانلیقدى شەهر یایغین ایشیق‌لار‌ داریخیر

Check Also

بیر اوووج شیفره‌دن عیبارتم/ افراسیاب نورالهی

بیر اوووج شیفره‌دن عیبارتم افراسیاب نورالهی بو منیم بانکا کارتیمین شیفره‌سی…… بو یاناجاق کارتیمین …… ...

One comment

  1. بیداد زنکانلی

    نه گوزل نه یارایشقلی .. ساق اولسون زنگانین دیرلی شاعیری حسرت قارداشیم

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *