ایشسیز گؤزلریم / اسماعیل خرمی

ایشسیز گؤزلریم
اسماعیل خرمی

ایشسیز گؤزلریم
دارتینیر چیخا اؤزوندن.
أراییر اوستونه اولان تاپشیریقلاری.
کوچه وئیسلینه دؤنوب-
ایشسیز دره اوشاقلارین-
ایش أختاردیغی أیاقلار کیمی.
بیر ماهنیدا چیخیرسان یادیمدان.
چیرپینیر گؤزوم.
اوره‌ییم سارماشیر-
چؤرک أختارانلارین أیاقلارینا.
دؤیونوروک، دؤیونوروک
هر ایکیمیز
واردان یوخسول ائل أراسیندا.
برکه بوشا دوشوروک
بؤیوروک، بؤیوروک
یئنه ایشسیزیک
یئنه أختاریریق.
نه من باخماقدان قازانیرام
نه سیز یورومکدن.

Check Also

قوروماز کسیلن دیللرین قانی/ معصوم جبارپور

قوروماز کسیلن دیللرین قانی معصوم جبارپور چارمیخا چکیلن آغریلاریم تک قابارلی سؤزلریم کیتابلاریمدا. ایللردیر یانیری ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *