«احساس» عزیزلندی

ehsas«احساس» عزیزلندی

آبان آیی‌نین دوققوزونجو گونو تبریزده، روشندل شاعیر، فاطیمه عبدالجبار فرشبافی‌نین (احساس) عزیزله‌مه تؤروه‌نی کئچیریلدی. عزیزله‌مه مراسیمی‌کیمیا انجمنی‌نین اویه‌لری طرفیندن قورولموشدو. بو سازلی، سؤزلو تؤرنده انجمن‌ین باش قوروجوسو اولان، فاطیمه عبدالجبارین ادبی- ایجتماعی حیاتینا گؤره شعرلر و یازیلار اوخونولدو. اونون شرفینه عاشیقلارین سازی سسلندی و موسیقیچی‌لر ماهنی‌لار اوخودولار.
بو تؤره‌نین اؤزللیکلریندن بیری، حئکایه ادبیاتینا دا اؤزل بیر واخت وئریلمه‌سی ایدی. عرف و عادتین ترسینه شعر، دانیشیق و موسیقی‌دن علاوه، بو تؤره‌نده بیر حئکایه ده اوخونولدو.
۱۳۵۱-جی گونش ایلینده دوغولموش فاطیمه عبدالجبار، فارسی ادبیاتیندا لیسانیس مدرکی اولاراق، آزاد دانیشگاهین مخابرات بؤلومونده چالیشیر. حیات یولداشی دا اؤزو کیمی‌روشندل بیر اینساندیر. بو ائولی‌لییین حاصیلی ایکی اوولاددیر. فاطیمه عبدالجبار ۱۵ ایل اؤنجه اؤزو قوردوغو ادبی انجمن‌ین آدینی قیز اوولادینین آدیندان بورج آلیب.
شاعیرین ادبی حیاتینین حاصیلی بو گونه جن اوچ جیلد شعر کتابی‌دیر. گلچین اندیشه‌ی ۱ ، ۲ و اینجه سؤز سسی.
بو تؤره‌نده قوناقلارین یادیگارلیق تؤحفه‌لریندن علاوه، فاطیمه خانیمین ادبی فعالیت‌لرینی ده‌یرلندیرمک اوچون «داشقین‌کاپ» مؤسسه‌سی طرفیندن بیر یادگارلیق لؤوحه‌سی شاعیره تقدیم اولوندو.

  • سئویملی یازیچیمیز رقیه خانیم کبیری‌یه بو خبری سایتیمیزا چاتدیردیغیاوچون اؤز تشکرلریمیزی بیلدیریریک.

Check Also

از استاد «ابراهیم دارابی» تجلیل شد

از استاد «ابراهیم دارابی» تجلیل شد روز سوم آذرماه از استاد «ابراهیم دارابی» نویسنده، مترجم ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *