دونیا بویدا اوره‌ییم / مژگان صیامی

mojgan-siyamiدونیا بویدا اوره‌ییم
مژگان صیامی

آآآ…..ی محتشم – محترم دوستلار!
منی باسدیراندا
نیسگیللریمین شکلینی چکه بیلدیزمی…؟
بو قارانلیق داریسغالا تاپشیراندا
اللریمی‌گوره بیلدیزمی؟
یونولموش بارماقلاریمین
حسرت لرینه ایناندیزمی…
یالنیزلیغیمین آجیلیقیندان یازا بیلدیزمی؟
یالان اولدوغومو گؤردنوزمو؟!
منی کاغیذ ائدیب دووارا یاپیشدیرانلار
من چوخدان چورویوب
دووارلاردان آخمیشدیم…
مندن بیر شئی آختارمایین!
من شاعیرلیگیمی‌جئبیمده کی اسن یئللر آراسیندا،
توخ نفسیمده ایتیردیم
شعر دفتریمی
محله‌میزده کی اوشاقلارا قوش اوچورتدوم!
قافیه – ردیفی
شیطان تورولار آراسیندا قویدوم
صنعتکارلیغیمی
میکروفونلار آرخاسیندا گیزله‌دیب
هئچ اوزه گلمه‌دیم!
آنامی‌بیر کؤرپه سایاغی قورودوم
دیشلریمی‌«بیسکویت مادر»ین
مادرسیز دادیندا تؤکدوم…
فاتحه یئرینه
کیتابلاریمین توزونو
پیله‌دیم بوش وارلیغیما!
بیر جوت گؤزلریمی‌ده
مورگنه‌لره پای وئردیم…
آنجاق بو دونیا بویدا اوره‌ییم
اوره‌ییم!
نئجه تورپاغا یئرلشدی…
بیلمیرم!!

Check Also

پاییز دیلی / خیاو

پاییز دیلی خیاو پاییز گلمه‌دن توپلادیم نانا- رئیحان کردیمیزدن ۴۱ نومره‌لی خورمایی باشماقلاریما قویوب شهریمیزین ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *