باهار گلدی / رقیه علیقُلیان “لاله”

rugayeh
باهار گلدی
رقیه علیقُلیان “لاله”

آرخــادا قویـدوق قیشـی شـن باهارین آدیـله
ظـولمـاتلار ایشـیقلانیـب اوجـاقلارین اودیله
قـارانلیق چیلله لرده اوجاق قوران چوخ اولـدو
ایشیغــی‌هارایلادیق قارا ظولمات یوخ اولــدو
بــولودلارین باغریندا اولدوزلار سایریشدیـلار
ایشیقلار چوخالدیـلار گونشـه قـاریشــدیــلار
شن گونشیــم یــاییلدی داغلارین زیروه‌سینده
ائشیتدی یاز گلمـه‌سین چوبانآلار نغمه‌سیـنده
قارلی داغلار کؤینه‌گین ده‌ییشدی بیردن بیره
اوچونــجو چــرشنــبه‌ده نفـسین وئردی یئــره
بــولاقلارین آیناســی سینـدی بـارداق سسـیله
فــرحلنــدی داغ دره قیــزلاریـن گولمه‌سیله
داشلاندی شن بولاقلار باغلار اؤزونده سـوزدو
یــارپیــزلار قــولاغینــا یئنــه سیرغانـی دوزدو
ایپک الین یاز مئهی چکدی خالقین اوزونـــه
نــوروزون شــن خبریــن وئــردی ائلین اؤزونـه
“لاله”‌لر توپلاندیـلار یئنــه یــامــاج دوزونـده
سئویندی چیچک‌له‌نیب قوجامانلار ایـزینــده
۲۸/۱/۱۳۹۴

 

 

Check Also

اینتحار / سمیر کهیه‌اوغلو(عراق)

اینتحار سمیر کهیه‌اوغلو(عراق) قالخ! بیر سیقارا یاندیر کیبریت آراما اؤره‌ییمین آتاشیندان یاخ بیر نفس من ...

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *