شعر

پنجره / سیدجلیل حسینی

پنجره سیدجلیل حسینی اوز – اوزه آچیلان بیر جوت پنجره گؤز – گؤزه باغلادی ایکی اوره‌گی. چکیلدی هر گؤزده مین بیر منظره، پاییزدا آچیلدی باهار چیچگی؛ لال دینمز دانیشدی اوره‌کلر خیلی، بیری آجیقلی‌دی، بیری گیلئیلی. اوره‌کلر تیتره‌دی، اسدی یارپاق تک مین سیرری آچدیلار بیرجه باخیشدا. آخدیقجا گؤز یاشی محبت دئمک گؤرسندی گؤزلره مین بیر ناخیشدا؛ لال دینمز دانیشدی اوره‌کلر خیلی، ...

Read More »

ارکه توخونما! / ح. هریزلی

ارکه توخونما! ح. هریزلی وطنیمه توخون، ائلیمه توخون آماندیر سن آلله ارکه توخونما! وارلیغیما توخون، دیلیمه توخون آماندیر سن آلله ارکه توخونما! قارتال یواسی‌دیر، قافلان یاتاغى عشقین، آزادلیغین یانار اوجاغى ارک آذربایجانین ظفر بایراغى آماندیر سن آلله ارکه توخونما! اویات وجودوندا شوعورو، درکى چیخیب تاریخ بویو هر بوشو- برکى اؤزونده آشارسان آشیرسان ارکى آماندیر سن آلله ارکه توخونما!

Read More »

ارک قالاسی / بالاش آذراوغلو

ارک قالاسی بالاش آذراوغلو یئنه دوشدون یادیما سن، سو چیله‌دین عؤمرومه سن، اؤزون سؤندور اودومو سن ارک قالاسی! بیتمیر اینتیظارین سنین، اؤز یارامدیر یاران سنین، دئ، ساغ قالدی‌هاران سنین ارک قالاسی؟! دومانلار دون بیچدی سنه، زامان حسرت سئچدی سنه، بو نه پایدی دوشدو سنه ارک قالاسی؟! بعضاً گولدون چیچک-چیچک، شفقلردن آلدین مین رنگ، بعضاً دیندین کؤورک-کؤورک ارک قالاسی! قالا دینمز، ...

Read More »

قیسا شعرلر(۲۰)/ فریبا مرتضایی

قیسا شعرلر(۲۰) فریبا مرتضایی (۱) سون باهاردا یازدیم- توم قارشیلیقسیز دویغولاریمی؛ هارادا اولورسان اول، فصیللره آلدیرما! سن، منیم ایلک باهاریمسان. (۲) سسین ایندییه‌دک قولاغیمدا؛ سندن گلن بیر سالام- دیریلدیر منی. یوخلا منی! -«هله‌لیک» دئمه، اؤلدورمه منی! (۳) یئنی‌دن باشلاماق نه دئمک؟! اوره‌ییمه یئرلشیبسن قاداسی! (۴) گئری دؤنوش- یالان دؤنوشدور. قالان- گئتمز! (۵) غم نه قده‌ر ده سس‌سیز چالا اوره‌ک او ...

Read More »

خاطیره‌لر / بهزاد بیات‌فرد(حسرت زنگانلی)

خاطیره‌لر بهزاد بیات‌فرد(حسرت زنگانلی) بو دؤنر_دؤنگه منى یوردو داها گئتمه‌لى‌یم خوش قالین باغلی قالان قاپ_باجامیز، پنجره‌لر! گؤز دولاندیقجا منی آیری بیر احواله سالیر کندیمین داش- قایاسی زیروه‌سی یوخوش سره‌لر لندی‌لر،قیچدا بالیش، یات بالا لاى- لاى حایاتیم بیر امیک آرزیلاما لای‌لا دئین حنجره‌لر! آنامین ال فتیرى، کؤرپه‌جه‌لیک دادلى چاغى قاتیغى، آیرانى آ…خ جانلى تولوقدا کره‌لر تامسینیر بوردا دیلیم یاى چاغى ییغدیق ...

Read More »

من سنی سئومه‌دیم کی! / ع. یالچین

من سنی سئومه‌دیم کی! ع. یالچین هارادان دوشدون کؤنلومه من سنی سئومه‌دیم کی! قوندون اغلیما، دیلیمه من سنی سئومه‌دیم کی! ساچیندا اله قیسقاندیم کوله‌یه، یئله قیسقاندیم یاخاندا گوله قیسقاندیم من سنی سئومه‌دیم کی! گؤزونده دالغالانیرام اودوندا آلیشیب یانیرام نییه دوشونوب آنیرام من سنی سئومه‌دیم کی! آری تک قونسام اوستونه قورغو قورسام گر قصدینه غورره‌لنمه ‌سن شسدینه من سنی سئومه‌دیم کی! ...

Read More »

سنسیزلیک‌لر(۲۲) / مجتبی نهانی

سنسیزلیک‌لر(۲۲) مجتبی نهانی (۱) گئتمه‌یین باغری کسیک اوره‌ک داغیلیب هر یئره باش توتمور- بیر قورتوم وارلیغین (۲) بیر دنیز فنرینه وورولموش دالغا کیمی قالخیب، دوشمکده‌یم دوردوراجاق یوخ مو؟! (۳) تبریزده دنیز اولسایدی، بالیق اولماغا جان آتاردیم اورمو گؤلونه چاتماق اوچون باتسین بو آییغلیغی سوراجاقلار مندن- هانسی گؤلو دئییرسن؟! (۴) دیرچلیش آیه‌سین قولاغیما اوخودو یوخوسوزلوغومون سببی دوغولدو (۵) یوخ مسافه‌لردن- یاخینام ...

Read More »

ایکی شعر / حسین امکانی (ح.خوجالی)

ایکی شعر حسین امکانی (ح.خوجالی) (۱) حسرت قالدیق بو دونیانین داری‌سینا گؤرنمه‌دیک شیطانینی یئتیشمه‌دیک تاری‌سینا اینجیتمه‌دیک جوجوغونو توخونمادیق قوجاسینا، قاری‌سینا گلیب چاتدیق آلتمیش یاشین یاری‌سینا باخیب گولدوک اوزوموزون ساری‌سینا دؤزوب باخدیق، هر بیر شئیی سئزیب باخدیق گؤرن گؤردو، ویران ویردی هله دیم_دیک گؤز دیکمیشیک، قان اودموشوق، اود بیچمیشیک ویریلان وار یاد اللره قوغولان وار بو ائللره گوج گلمیشیک، قارنیمیز آج، ...

Read More »

قوش اوره‌یی/ علی جوادپور

قوش اوره‌یی علی جوادپور درددی، نه دی!… بو تیکه نئجه تیکه‌دی، اوددون بوغازیندان کئچمه‌دی توپوردون یئره دوشمه‌دی!؟ بو درد نئجه درددی گؤرَن، یییه‌سی سرخوشدو بئله؟! او آغاج یوخودا نه گؤروب، یارپاقلارین وئریر یئله؟ ائشیکده‌هاوا سازاقدی، قیشدی توپورسَن گؤیده دونار! گوندوز گؤردویون قوشون قانادی سینمیشدی، اونون گئجه‌سی نئجه کئچدی گؤرَن؟ قوش اوره‌یی نئجه دؤزدو قیشا، داشا؟! ائئح…سَسینه سویوق دَیمیش دونیا. سَسینده ...

Read More »

دونیا بویدا اوره‌ییم / مژگان صیامی

دونیا بویدا اوره‌ییم مژگان صیامی آآآ…..ی محتشم – محترم دوستلار! منی باسدیراندا نیسگیللریمین شکلینی چکه بیلدیزمی…؟ بو قارانلیق داریسغالا تاپشیراندا اللریمی‌گوره بیلدیزمی؟ یونولموش بارماقلاریمین حسرت لرینه ایناندیزمی… یالنیزلیغیمین آجیلیقیندان یازا بیلدیزمی؟ یالان اولدوغومو گؤردنوزمو؟! منی کاغیذ ائدیب دووارا یاپیشدیرانلار من چوخدان چورویوب دووارلاردان آخمیشدیم… مندن بیر شئی آختارمایین! من شاعیرلیگیمی‌جئبیمده کی اسن یئللر آراسیندا، توخ نفسیمده ایتیردیم شعر دفتریمی محله‌میزده ...

Read More »