چئویرن: روشن نوروزی
ترجمه: روشن نوروزی
روشن نوروزی

مظفریه تیمچه‌سی تبریزین اؤرتولو بازارینین ان گؤزل و قدیمی حصه‌لریندن بیریدیر. خالچا بازاری آدیلادا تانینان بو تیمچه، تبریز بازارینین ایکی مرتبه‌لی حصه‌لریندندیر. تیمچه‌نین اوجا تاوانی، ایکی یانیندا قورولان تاختا قاپیلاری، قیراقلاردا تعبیه اولونان کیچیک و بؤیوک بویالی پنجره‌لری و ائنلی کریدورلارینین اطرافیندا انتظاملا دوزولن حجره‌لری بو تیمچه‌یه گؤزللیک بخش ائده‌ن معمارلیق ائلمئنتلریندندیر. تیمچه قمری تاریخی اعتباریله ۱۳۰۵ینجی ایلده (تخمینا ۱۳۰ ایل بوندان اؤنجه) حاج شیخ جعفر قزوینی‌نین تشبثی‌ایله تیکیلیبدیر.
اونون آدینین “مظفریه” اولماسی باره‌ده بئله بیر روایت وار کی، گویا او زامانلار شه‌هرده تیکیلن هر بیر اؤنملی بینانی، حؤرمت نیشانی اولاراق شه‌هرین حاکیمینه هدیه ائدرمیشلر. بو تیمچه تیکیلیب قورتاراندان سونرادا، بیر قاعده اولاراق اونون بانیسی‌ تیمچه‌نی واختی‌یلا تبریزده یاشایان قاجار ولیعهدی مظفرالدین میرزایا هدیه ائتمه‌لی‌ اولاجاقمیش. آنجاق حاج شیخ جعفر قزوینی بو موضوعنو چوخ اوستالیقلا اؤز نفعینه حل ائدیر. بئله کی او، تیمچه‌نین آچیلیش گونو ولیعهدین تیمچه‌نین چوخ گؤزل اولدوغو سؤزونون مقابلینده، “بو تیمچه‌نین گؤزللیگی ولیعهدین آدینی داشیماقلا داهادا گؤزللشه‌جک. اونا گؤره‌ده من تیمچه‌نین آدینی “مظفریه” قویموشام”- دئییر.
بئله‌لیکله تیمچه‌نین یالنیز آدی “مظفریه” یعنی مظفرالدین میرزایا منسوب اولور و ولیعهدده بیر سؤز دئمه‌دن بو تکلیفی قبول ائدیر.


فوتوگرافر حقینده:

۲۰۰۶ینجی ایلدن (۱۳۸۵) مستقل فوتوژورنالیست کیمی فعالیت ائده‌ن روشن نوروزی, ۱۳۶۴ینجی ایل آذربایجانین تبریز شهرینده آنادان اولموشدور. ایندییه‌دک بیر چوخ فئستیوال و سرگی‌لرین تشکیلینده فعالجاسینا اشتراک ائتمیش, بیر سیرا فوتوگراف‌ یاریشلاری‌نین غالبی اولموش و بیر چوخ اثرلری ملی و بین‌المللی مئدیا و مطبوعات اورقانلاریندا یاییلمیشدیر. او جومله‌دن: ZumaPress, Newsweek, Washington Indep, ZDF, Christian Science, Deutsche Welle, Focus, Wall Street Journal, New republic, Warren House, Rheinische, Bild Am Sonntag, Marie Claire, Forum Tygodnik, Mirror.Co.Uk, Wprost, Profimedia, KPA, Tribune, Imaginechina, Tina, Lerner Publishing و …
روشن نوروزی ایندیلیکده «ایشیق» وبسایتی‌نین تئخنیکی مودورو، “عکس آنلاین” وبسایتی‌نین باش یازاری و اؤلکه مقیاسیندا هر ایل کئچیریلن مستقل “سندلی سوسیال فوتوگراف‌لار” (SHEED AWARD) فئستیوالی‌نین مؤسیسی‌ و اجرا باشچیسی‌دیر. روشن نوروزی الکتریک اوزره اختصاصلی مهندس و سوسیال علاقه‌لر علملری (ژورنالیسم ساحه‌سی) اوزره یوکسک لیسانس‌‌ تحصیللی‌دیر.

چاپ

2 پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

مظفریه تیمچه‌سی

روشن نوروزی
www.ishiq.net

آذربایجان ادبیات و اینجه‌صنعت سایتی

مظفریه تیمچه‌سی

روشن نوروزی
www.ishiq.net

آذربایجان ادبیات و اینجه‌صنعت سایتی

مظفریه تیمچه‌سی

روشن نوروزی
www.ishiq.net

آذربایجان ادبیات و اینجه‌صنعت سایتی