«اَکیز تایی»نین تورشمزه‌لری (3)
چئویرن: رقیه کبیری
ترجمه: رقیه کبیری
رقیه کبیری

هر کیم هر نه دئییر، دئسین. من نه « دَم» آدامییام نه ده « دُم» آدامی… منیم اوچون فیگور اؤنملی‌دی…

اردیبهشتین ۱۸ینجی گونوایدو. کنگره‌یه یاراشیقلی اولان پالتارلاریمی گئیدیم، هتلین اوتاغیندان چیخمادان، سیر- صفتیمه باخدیم. بیر نئچه فیگورو امتحان ائله دیم. کنگره‌یه یاراشیقلی اولان بیر فیگور توتمالی ایدیم. سونوندا ساچیمدان ایکی تئل چرقدیمدن ائشییه چیخارتدیم. گونش گؤزلویومو تاخدیم. کیفیم قولومدا، چیین‌لریمن حرکتینی آددیم‌لاریمین حرکتی ایله بیر ائله‌دیم. دوداقلاریمی بوزوب، قاشلاریمی یوخاری چکدیم. آینادا کی من، آز قالمیشدی  ایفاده‌دن پارتلاسین. نه ده اولاسا بین المللی بیر کنگره‌یه دعوت اولموشدو! اؤزوده ویژه خدمات لا بیرلیکده…

آددیمیمی هتله قویماقدا، پکیج پولو آلدیقلارینا هئچ آلدیرمادیم. بلکه بو ویژه خدماتین ایچینده، پکیجی حساب‌لامامیشدیلار، دئدیم. اما آلاهدان گیزلین دئییل، سیزدن نه گیزلین، کنگره‌ باشا چاتدیقدا، هتلی ترک ائدنده، معترض لرین گوجونه قایتاردیقلاری پکیج پولو، بال دادی وئردی. ائله بیل نئچه میلیون موفته پول الیمه چاتمیشدی!

منیم اوچون بو کنگره ده نئجه فیگور توتماغیم اؤنملی‌ایدی. حتی آذربایجانین هر نوقطه‌سیندن  دعوت اولموش ضیالی، یالقیز کیشی‌لره اوتاق وئرمه‌دیکرینی ده هئچ حسابا قویمادیم. اونلاردان منه نه دخلی وارایدی! نه ده اولسا کیشی‌ایدلر. بیر- بیرلرینه محرم ایدیلر! ایکی گئجه‌لیک آسایشگاه کیمی یاتاقلاری بیر بیرینین دیبینده دوزولموش سالوندا یاتسایدلار، قان- قیامت اولمازدی کی!!!

منه نه دخلی وارایدی بین‌المللی کنگره‌یه ایکی یاشیندا کؤرپه‌دن توتدو تااااااااا…. یئنی یئتمه اوشاق، یئتمیش یاشلی آغ ساققالاجان دعوت ائله‌میشدیلر! بلکه ده شهریارین بین‌الخالق شاعیر اولدوغونو دئییل، بوتون یاش لارا اویغون بیر شاعیر اولدوغونو دوشونموشدولر!!!

هله وئردیکلری ناهار یئمه‌ییندن دئمیرم. ناهار گؤرمه‌میشی دئییلیم کی! اولار دااااا. نئچه یوز نفر جمعیتین ناهارینی یئتیرمک شوخلوق دئییل کی، اؤزو ده میلاد بُرجوندااااا….!!! بیرینه سالاد یئتیشمز، بیرینه قاتیق، بیرینه ده پیشمه‌میش تویوق کابابی وئررلر.  اما دوزون ایسته‌سز بو کنگره‌نین  یییه‌سینه چوووووووخ  اوره‌ییم یاندی. من کی اونون یئرینه، بونجا خرج- مخارجی باتیردیغینا خینگ اولدوم!

کنگره‌دی دااااا. گؤروروسن پلان قورانلار  واختی تنظیم ائتمکده یانیلیبلار. اولا بیلر شهریارین دوغوم گونون، حتی  اؤلوم گونون، اؤلکه‌نین شعر و ادب گونون بئله اونودوب، لاپ ائله لئیسان آیینین اورتاسیندا، بولودلارین یاغما- یاغ هاواسیندا شهریار یادلارینا دوشدو. نئجه اولسا دا، آتا- بابالاریمیز دئمیشلر:« لئیسان یاغیشینین سویو شفا دی»…    کنگره ده واختی تنظیم ائتمک شوخلوق دئییل کی!… بعضن واخت آرتیق گلر، بیلمزسن واختی نئجه سوروب باشا چاتاسان، بعضن ده واخت دار گلر،  قونشو اؤلکه‌دن گلن دانیشمانین سؤزونو کسیب،« واختین باشا چاتدی»، دئیرلر؛ دونیا داغیلماز کی! نهایت ده سایین دانیشمان تریبون آرخاسیندا بیراز قیزاریب- بوزارار . بوندان بئله ده بئله‌نچی  کنگره‌لرین داشین آتار. آتسین دااااا… نه بول دانیشمان…یالوارسینلار . آیاقلارینین آلتیندا اَرسین سالمامیشیق کی!!!!

اوزون سؤزون قیسساسی!

من خورتدان بانو دئییلم کی شهریارین شاگیردینین دئدییی سؤزده « دَم و دُم» آراسیندا چاش- باش قالیم. او هر نه دئییر، دئسین اکیز تایی اولدوغوموز یئرلی یئرینده، دانمیرام کی! اما خورتدان خانیم بیلمه‌لی دی کی من اونون قویروغوندان آسلانمامیشام! اؤزومه گؤره وارلیغیم، دوشونجه‌ام وار. بعضن ائله اولور کی اینسانلار  «دَم» دن یاپیشمالی اولورلار. بعضن زامانی گلیر «دُم» دان آسلانمیرلار، لاپ ائله اورجینال بیر قویروق اولوب، سورونورلر. اما من نه « دَم» آدامییام، نه ده «دُم» آدامی.  منیم اوچون زامان و مکانا گؤره توتدوغوم فیگور اؤنملی دی….

۹۱.۲.۲۲

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

«اَکیز تایی»نین تورشمزه‌لری (3)

شهریارین کؤلگه‌سی میلاد بُرجونون اوزه‌رینده

رقیه کبیری
www.ishiq.net

آذربایجان ادبیات و اینجه‌صنعت سایتی

«اَکیز تایی»نین تورشمزه‌لری (3)

شهریارین کؤلگه‌سی میلاد بُرجونون اوزه‌رینده

رقیه کبیری
www.ishiq.net

آذربایجان ادبیات و اینجه‌صنعت سایتی

«اَکیز تایی»نین تورشمزه‌لری (3)

شهریارین کؤلگه‌سی میلاد بُرجونون اوزه‌رینده

رقیه کبیری
www.ishiq.net

آذربایجان ادبیات و اینجه‌صنعت سایتی