اوخوماق زامانی: 2 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
«اَکیز تایی»نین تورشمزه‌لری (1)
چئویرن: رقیه کبیری
ترجمه: رقیه کبیری
رقیه کبیری
00:00
00:00

بو یازی‌نین صوتی نسخه‌سی حاضرلانماییب. بو یازی‌نی اؤز سسینیزله اوخویوب بیزه گؤندره بیلرسینیز.

جِئمیح، اَکیز تایی، دوقلو، گؤیلوز هر هانسینی ایسته‌سه، دئیه بیلرسیز. آنجاق جانی جهنمه دئسم

ده، اونو اؤزومدن ده چوخ سئویرم. بو سؤزلری قیسقانجیمدان دئییرم، سیز اینانمایین. گؤزومو آچدیغیم گوندن اونونلا برابرم. بیز بیر توخومون اَکیز تاییسی‌ییق. بئییندن بیر- بیریمیزه یاپیشمیشیق. رحمتلیک لاله- لادن باجیلاری کیمی. بلکه ده لاله- لادن یاخشی اؤرنک اولمادی، لاپ میشو داغینداکی جوت باجیلار داشلارینا اوخشارلیغیمیز وار؛ اووج- اووج کول اله نمه میشیک،  داش کیمی دوشموشوک بو یاشامین باشینا.

خورتدان بانونو اَتله‌مک*قصدیم یوخدور. هئچ اونون طنز اویونونا دا پَل قاتمییاجاغام. یالنیز بو گوندن منده قلمیمی «طنز اوستونده تنظیم» ائده‌جه‌یم.

( ایضاح وئرمه‌لیم کی بو تنظیمات سؤزونو اوچلوک سایتینین خورتدان ادبیات بؤلومونده بیر کامنتدن چالمامیشام، ایضاح وئردییمه گؤره آلمیشام دئسم داها یاخشی‌دیر)

خورتدان بانونو گؤزوم گؤتورمه‌سه ده اوزونه گولورم. نه ده اولسا بیز بیر- بیریمیزین اَتین دیدیب، یئسک ده ، سومویوموزو آتماریق. بیز خورتدانلارین آدلی- سانلی، سویلو، کؤکلو، کؤکنلی عاییله‌لریندن ساییلیریق.

اوتورموشام اؤز- اؤزومه دئییرم کی، قوی ایشیق‌سیز، ایتیب باتمیش اولدوزلاری خورتدان اَکیزیمین چیینلرینه، دؤشونه دؤشه‌سینلر منه نه‌وار کی! منده اونون کیمی بیر خورتدانام. اونون کیمی یازماق باجاریغیم وار.  سؤزلریمی بئینیمده گیزله‌دیب ، قاریدیب، قاریمیش قیزلار کیمی تورشولوغا وئرمیه‌جه‌یم کی! هر چند بو دؤوره- زمانه ده قیزلارین تورشاماغی چیرکینلیکدن، قابلیت سیزلیکدن دئییل، مدرن‌لیکدن، یوکسک تحصیل آلماقدان، ساواددان و فمنیزم‌ اینانجلاریندان  آسیلی دی. ایندی کی خورتدان بانو اؤ اکیزینی سایمادان طنز کمپینینه قاتیلیب، من ده اونون آجیغینا، طنز سؤزلری قوشون دیمدیینده اولسادا، تاپیب، توخویوب، یازاجاغام.  خورتدان اکیزیم بیلمه‌لی دی کی، طنز کمپینیندن  دالی قالاسی دئییلم. اسکی لریمیز دئمیشکن، قُوون یئیین قورتولسادا، قابیق گمیرن قورتولماز کی! بیری لری ده تاپیلار منیم یازیلاریمی اوخوسون.

آلـلاهدان گیزلین دئییل، سیزدن ده گیزلتمیه‌جه یم. خورتدان بانو بو یازینی اوخویاندا، اونون دویونله‌نمیش قاش- قاباغینی، سیر- صیفتینی گؤرمه‌یی سیزه ده نیسگیل ائدیرم…

92.2.7

ایضاح:

اَتله‌مک: دؤیمک- کؤتک وورماق

قیسقانج بیر خورتدان اولمادیغیمی اثبات ائتمک اوچون خورتدان بانونون یازیلارینین لینکینی سیزینله پایلاشیرام. قوی خورتدان بانو بیلسین کی من نئجه ده کونلو کؤورک بیر خورتدانام!!!

خورتدان بانو (1) یاغیش یاغا، دامجی داما

http://www.uchluk.com/index.php/duz-yazi/tanz-yazilar/183-2013-04-10-09-05-59

خورتدان بانو (2) خورتداندان باشقا نه دئمک اولار!

http://www.uchluk.com/index.php/duz-yazi/tanz-yazilar/192-2013-04-19-13-44-37

اشتراک گذاری در print
چاپ

4 پاسخ

  1. سلام
    من سیزین سایتینیزی بیر آی بوندان اؤنجه تانیمیشدیم، آنجاق فئیس بوکدا http://www.facebook.com/turkceweb ده بیر یول دا سیزین سایتینیزین آدینی گؤردوم. دئدیم قوی یاخشی باخیم گؤردوم دگرلی و اؤنملی بیر سایتینیز وار.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *