چئویرن: رقیه کبیری
ترجمه: رقیه کبیری
رقیه کبیری
00:00
00:00
  • سس: رقیه کبیری 00:00

دنیا دوراجاق یئر دئییل ای جان سفر ائیله
آلدانما اونون آلینه اوندان حذر ائیله (نسیمی)
سوسن خانیمین ابدی سفریندن ۴۰ گون کئچدی. بو قوجا دونیادا هامی‌میزین یولونون سونو مزارلیغا چاتیر، آنجاق بعضی انسالار یاشاییرکن یاراتدیقلاری معنوی میراثدان دولایی یوللاری سونا چاتسا دا، آدلاری مزار داشلارینین اوزه‌رینده‌ ایتیب، باتمیر، یوللاری دواملی، آدلاری ایسه ابدی اولور. سوسن خانیم دا بو انسانلارین آراسیندا یئر آلیر.
سوسن خانیملا نئت اوزره تانیشلیغیم ۸۰-جی ایللره قاییدیر. سون ایل‌لرده اینستاگرام و تلگرام کیمی پلاتفرم‌لار گوندمده اولدوغونا تای او زامان دا وبلاگ یازماق گوندمده ایدی. بیز ایسه قیرخینجی ایل‌لرین دوغومو اولاراق اینترنت تحفه گتیردییی مدنیت‌دن گئری قالماماغا چالیشیردیق. اونون وبلاگی‌نین آدی «ائله بئله»، منیم وبلاگیم ایسه «آیین» ایدی آدی. اونون ۶۰-جی ایل‌لردن بری آنا دیلینده یازدیغینی، حتی او ایل‌لرده شعردن باشقا بیر ایکی تورکجه حئکایه یازدیغینی ائشیتمیشدیم، منسه او گونلر آنا دیلیمده یازماغی مشق ائدیردیم و آنا دیلیم منیم اوچون یئنی کشف ائتدییم بیر آیین ایدی. وبلاگ یازارلاری آراسیندا دوست- تانیش وبلاگ‌لارین لینکینی پایلاشماق دب ایدی، بیز ده وبلاگ‌لاریمیزین لینکینی پایلاشمیشدیق، بیربیریمیزین پست‌لارینا کامنت بئله یازاردیق. سوسن خانیمی بیلیمرم من هئچ یاخیندان گؤرمه‌دیییم بو انسانین یازیلارینین دائمی اوخوجوسو ایدیم. «جان وئرمه غم عشقه کی عشق آفت جان‌دیر»، دئین فضولی‌یه میدان اوخویوب، «جان وئرگیلن عشقه دئمه کی درده سالان‌دیر» دئین سوسنی یاخیندان گؤرمه‌یی چوخ ایستردیم.
هئچ یادیمدان چیخماز گئجه‌لرین بیرینده «ائله بئله» وبلاگیندا اونون «گؤی-‌گؤز تانریم» آدلی بیر شعرینی اوخودوغومدا او قدر ذوق آلدیم کی، اؤزلویومده دئدیم: «هر هارداندی من بو سوسن نواده‌ی رضی‌ ایله یاخیندان تانیش اولمالییام.» سحر چاغی یوخودان آییلاندا شعرین دادی عاغلیمدا قالمیشدی، شعری یئنیدن اوخوماق اوچون وبلاگینا باش ویردیغیمدا ندنسه شعر وبلاگیندان سیلینمیشدی. او شعری بیر داها اوخوماق قسمت اولماسا دا، نهایتده طبیعتین آذربایجانا پای وئردیغی آغیر بیر بحراندا سوسن خانیمی یاخیندان گؤره بیلدیم.
زلزله کیمی بحرانلارین یالنیز منفی طرف‌لری یوخدور، بو اؤلکه‌ده چوخ ساییلی بیر ملت اولدوغوموزا باخمایاراق بیزیم کیمی اقلیت ساییلان ملت‌لر اوچون بحرانلارین مثبت طرفی اونون اطرافیندا توپلاشیب، بیر الین بیش بارماغی کیمی بیرلشمک‌دیر. آذربایجان ملتی ایسه بو بیرلشمه‌یی ۱۳۹۱-جی ایلده ورزقان و کئچن ایل خوی زلزله‌سینده حیاتا کئچیریب، یاشادی.
ورزقان زلزله‌سینده یاردیم فعالیت‌لریله باغلی، ائل بیلیمی موسسه‌سینده سوسن خانیمی یاخیندان گؤروب، تانیش اولدوم. سوسن ادبی- مدنی فعالیت‌لری ایله یاناشی کنددن کنده گئدیب، اؤزونه مخصوص یاردیملارلا ساده‌جه بیر شاعیر یا ژورنالیست دئییل، آیری سئچکی‌لیک‌لره معروض قالمیش ملتی‌نین قایغیسینا قالان بیر ادبیاتچی اولدوغونو اثبات ائتدی.
ادبیات، ژورنالیسم و فولکولورلا باغلی چالیشمالاریندان علاوه گئت‌گئده اونون شخصیتی‌نین اؤزگوونلی و جسارتلی طرفی ایله تانیش اولدوغومدا باشا دوشدوم: او یالنیز گؤی‌گؤز تانری حاقیندا شعر یازان جسارت‌لی بیر قادین دئییل، «عشق ایچره عذاب اولدوغون اوندان بیلیرم کیم، هر کیمسه کی، عاشیق‌دیر، ایشی آه و فغان‌دیر» دئین فضولی‌یه مئیدان اوخویوب، «آلچاتما گیلن مرتبه-یی عشقی کی انسان، آللاه‌لیغا عشقین قانادی‌یلا اوجالان‌دیر» دئین گؤی‌گؤز سوسن، تانری‌یانا بیر جسارته صاحیب‌دیر.
بیزیم دونیا گؤروش‌لریمیز، یازی طرزلریمیز و ادبی فعالیت‌لریمیزین بیربیریندن فرقلی اولدوغونا باخمایاراق، هر زامان سوسن خانیمین بوتون فعالیت‌لرینه، اؤزللیکله اؤزگوونلییی ایله جسارتینه حیرانلیق دویوب، حؤرمت‌له یاناشمیشام و بو حؤرمت هر زامان دوام ائده‌جک. آنجاق عؤمورومون سونونا کیمی اونو دوشونورکن اوره‌ییمده بیر نیسگیل قورلاناجاق، کاشکی آذربایجانین ادبی جامعه‌سی سوسن خانیم ساغ ایکن اونو عزیزله‌ییب، بوتون فعالیت‌لریندن دولایی تقدیر ائدردی. حیف بیز قوجا دونیانین خوش اوزونه آلدانان انسانلار، انسانین فانی اولدوغونو اونودوب، زامانی یاخشی دیرلندیره بیلمیریک.
اومود ائدیرم سوسن خانیمین اثرلری، آدی و خاطیره‌سی ابدی اولسون.
۱۴۰۲.۰۲.۰۱

چاپ

یک پاسخ

  1. سلام و سایقی‌لار و بیر شعیر، سایتینیزین قایدا قانون‌لاری ایذین وئره رسه پایلاشمانیزی ریجا ائدیرم. چؤکونجه قیش سؤزجوک‌لرگدییینه،
    قارتوزاناغی شئعیر یازمادا کول کوسو قوردلار
    آدیم یازدیریلمیشدی قان قوخولو مکتوب‌لاری
    ال اوزونه بولاشمیش شئیطان فالی
    ایت یاراسینا قورد داواسی قویدورولموشدواییلندیرمه‌ده
    اَینینی دوغوز چوخاسی
    و …
    ماموزیارمیش شاعیر، دونوق آغاج‌لار
    زیروه‌سینده سازاق چالمیش سؤزجوک‌لر
    بیرر بیرر دریلرکن شئعیر یازیلیردی بایقوش سسینه
    و سن ماشین قضاسیندا ازیلمیش کلمه‌لر
    بئینینی دئشیلیردین نوقطه‌له‌ری آختاریرکن
    اؤزونو تانیمادان، ان مهربان دوست
    بوایل یاز گؤیرده‌جک موردار ال‌لری
    دیرچلده‌جک گؤستررک چاییری
    قیش قابیرقالی قان دونوق شئعیرلر،
    یازیلاجاق کیرلی فیکیر ال‌لر
    و داریسقال گؤزلر به به‌یی؛
    جئب تیلفونو دانیشمادان سوسدورولدوال‌لری‌نی!
    شبهه‌ سپیلدی اوز گؤزونه یاپی‌لار!
    ایستیخارا گؤتورمز اینجارسیزفیکیر
    سونرا زورولدادی بئینی
    آیاقلایاراق«کرونوس»و
    ال‌لرینده هفته دولو گونلر
    یئنی‌دن قوردورولدو بیرینجی گؤروش قورقوسو
    اؤپوجوک‌لر چورومه‌ده دوداق‌لاری
    قیش بیتدی یاز واریرکن…
    ایشله‌یه‌جک چوروک ال‌لرچؤمچه‌سی
    و چوروموش سؤزلر گؤیرجک گؤزلرینی
    یئنی بیر بوشلوق گول‌له‌نه‌جک گول‌دانی‌نی
    یاز فصیلی قیش قایداسیلا
    فصیل‌لر مهربان، فصیل‌لر سوچسوز
    بوایل قیش قاناتماز قارپیز‌لاری
    و بو ایل …
    کئشکه اوزونه دیره‌نیردی سوموک‌سوز سؤزلر
    ایندیجه بیر کپنک اوچدو سؤزلری اوچورتمادان
    ایندیسه بیرقیش ناغیلی
    قان قیرمیزی قارپیز
    قیرمیزی پولیوئر…
    اوشوتمه لر قیزیندیردی شاعیری
    بو گون ده یئنی بیر شعیرپنجره‌ ‌سی
    آچیلدی بیر‌له‌شیم‌لر سنی گتیردی، شکیل‌لر شبهه‌نی!
    کیمسه اؤزونه یئنی یول‌ سئچیرتانیمادان
    آیاغ‌لارینا ایلیشیب یخیلدییی فیکیرسیز
    نه‌یه مجبورودو ایراده سیز
    چیخارتدی ایچ اوزونو یویاراق قانوو سولاری
    گیزله‌ده‌بیلمه‌دن ال‌لرین کؤلگه‌سی‌‌نی!
    قابارتدی بویالاری، گونش ساچارکن
    آخساتدی دونه‌نی‌‌‌نی یئریمه‌دن بوگون
    گیزلتدی اؤزاؤزوندن اوزونو …
    دییشمز بیر شاعیر قالدی الینده، بیر ده،
    یازیلمامیش شعیرلر
    کئشکه بیر قجه‌له بئینی یئییردی سونرا
    سؤکوردو قورقولارتمه‌لین
    زامان دوغوردو دوغرولاری آریداراق،
    اوزونو گئیینه‌جک جیبلرینه گؤررکن
    بئینی بوشالمیش فالچی‌
    سؤزلرین ان بویون اؤلچمه‌دن
    بیچدی ا‌َینینه دونون
    سونرا بوشالدی ایچی‌‌، قیزینمه‌ده
    دونون!؟

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

سوسن نواده رضی‌نین خاطیره‌سینه سونولور

رقیه کبیری
www.ishiq.net

آذربایجان ادبیات و اینجه‌صنعت سایتی

سوسن نواده رضی‌نین خاطیره‌سینه سونولور

رقیه کبیری
www.ishiq.net

آذربایجان ادبیات و اینجه‌صنعت سایتی

سوسن نواده رضی‌نین خاطیره‌سینه سونولور

رقیه کبیری
www.ishiq.net

آذربایجان ادبیات و اینجه‌صنعت سایتی