چئویرن: ایشیق
ترجمه: ایشیق
ایشیق
00:00
00:00


باغبان قیزی‌نین ماهنیسی باره‌ده
حسین واحدی

اوستاد علی نشانی ۱۳۰۵-نجی گونش ایلینده آذربایجان جمهوریتینین قازاق شهرینده دونیایا گؤز آچیبدیر. سونرالار ۱۳۱۲-ینجی ایلده اورمیه شهرینه گلیب بورادا یاشاما داوام ائدیبدیر. بو دَیرلی شاعیر ایندی اورمیه‌ده یاشاییر و اورمو بازاریندا پارچا ساتماق ایله مشغول دور…

دَیرلی اوستاد علی نشانی‌بی، ۱۳۳۲-ینجی گونش ایلینده بیر قالارقی شعر دئییبدیر. سونرالار بو شعر خالق ماهنیسی ایله دیللر ازبری اولوبدور. اوستاد اؤزو بو شعره گؤره بئله دئییبدیر:

باغبان قیزی منیم مایل اولدوغوم بیر قیزایدی. اونون آتاسی گول باغبانی اولدوغونا گؤره من شعریمده اونا «باغبان قیزی» آدی قویدوم. جاوانلیق و ان گوجلو و ایمانچی زامانلاریم ایدی. بزازلیق ایشینه مشغول ایدیم. نهایت همین قیز منه قسمت اولمادی. بو شعریم بسته کار اسماعیل شاکری وسیله‌سی ایله ماهنی‌یا تبدیل اولدو. اورمیه رادیوسوندا و خلق آراسیندا مجلسلرده بیر زامان اوخونوب, دوام ائتدی. تهران رادیوسوندان آذربایجان اوخویانی مرحوم مصطفی پایان وسیله سی ایله اوخوندو و بیر خالق ماهنیسی کیمی دیللره دوشدو.

 باغبان قیزی

ای خومار باخیشلی باغبان قیزی

چادراسی سورمه یی گولو قیرمیزی

گؤزون خومارلادیر گؤیده اولدوزو

آمان باغبان قیزی، جان باغبان قیزی

یاناغی قیرمیزی، جان باغبان قیزی

بازاردا ساتدیغیم شالدی قوماشدی

گؤردوم باغبان قیزین دیلیم دولاشدی

باخدیم گردنبنده گؤزوم قاماشدی

آمان باغبان قیزی، جان باغبان قیزی

یاناغی قیرمیزی، جان باغبان قیزی

من ده بیر اوغلانام صاف و صادقم

ثروت آختارمیرام حوسنه عاشیقم

جمالین گؤرمگه خیلی شایقم

آمان باغبان قیزی، جان باغبان قیزی

یاناغی قیرمیزی، جان باغبان قیزی

خوش بئجریب آتان گوللردن سنی

یاخشی ائشیتمیشدیم دیللردن سنی

ایسته سم آلاردیم اللردن سنی

آمان باغبان قیزی، جان باغبان قیزی

یاناغی قیرمیزی، جان باغبان قیزی

 باهار۱۳۳۲

چاپ

10 پاسخ

  1. گونول ایستردی کی بو موسیقینین موزیک یارادیجیسینین دا آدی ذیکر اولاردی. بو گوزل ماهنینین موزیکین استاد اسماعیل شاکرحسینی گوشوب کی اؤزوی استاد علی نشانین صمیمیی دوستلارینان اولوردی.

  2. یاشاسین اورمونون قوچ ایگیتلری.آنا دیلینده بیر یازی گؤرنده سانکی دونیا منیم اولور.تانریدان سیزه اوزون یاشام آرزیلایرام.سونوندا دئمک ایستیرم کی آزربایجان سیزین کیمین اوغولارا گوونیر،یاشاسین وطن آدیندا سئوگیلیم

  3. اسنلیکلر سایین دوستلار
    گؤزل دیلیمیزده بئله بیر ماهنی لاری ندن دینله میریک منی اوتاندیریر!!! اوشاقلیغیمی خاطیرلاتدینیز. هله ده قولاغیم دا بؤیوک اتامین سسی باغبان قیزینی اوخویا-اوخویا دولانیر
    من ایندی اورمیه ده اؤیرنجی یم و بو شهرده بئله اینسانلارین اولدوغونا فخر ائدیرم. اورمودان موغانا سلاملار اولسون

  4. چوخ ساغ اول جناب واحدی، اوستاد علی نیشانی حاققیندا چوخ سؤزلر دینیب ـ دانیشماق اولار. علی نیشانی ۱۳۲۵ ـ ۱۳۲۴ ایللر آراسی قورولان شاعیرلر مجلیسینین سون یادیگارلاریندان دیر. من بیله سی گنج یاشیندا سئودییی خانیم دا «باغبان قیزی» ایندی اورمودا یاشاییر.

دیدگاهتان را بنویسید

نشانی ایمیل شما منتشر نخواهد شد.

باغبان قیزی‌نین ماهنیسی باره‌ده/ حسین واحدی

ایشیق
www.ishiq.net

آذربایجان ادبیات و اینجه‌صنعت سایتی

باغبان قیزی‌نین ماهنیسی باره‌ده/ حسین واحدی

ایشیق
www.ishiq.net

آذربایجان ادبیات و اینجه‌صنعت سایتی

باغبان قیزی‌نین ماهنیسی باره‌ده/ حسین واحدی

ایشیق
www.ishiq.net

آذربایجان ادبیات و اینجه‌صنعت سایتی