“ناظم حکمت”ین فارسجایا چئوریلمیش شعر مجموعه‌سی یاییلدی.
تانینمیش ترجمه‌چی “احمد پوری” طرفیندن دونیا شاعری “ناظم حکمت”ین سئچیلمیش اثرلری فارسی دیلینده نشره بوراخیلدی. ۵۰۰ صحیفه‌لیک بو مجموعه‌یه ناظم حکمتین منظومه‌لریندن باشقا بوتون شعرلریندن سئچمه‌لر داخیل ائدیلیبدیر. کیتاب «کجاست دستان تو» آدلانیب و «نشر نگاه» طزفیندن یاییلیبدیر. بوندان اؤنجه‌ده احمد پوری طرفیندن ناظم حکمتین شعرلریندن ایکی مجموعه «تو را دوست دارم چون نان و نمک» و «دنیا را گشتم بدون تو» عنوانلاری آلتیندا فارسجایا ترجمه اولوب و «نشر چشمه» و «نشر مرکز» طرفیندن یاییلمیشدیر.
