ایران آذربایجانی‌نین تانینمیش شاعر و ژورنالیستی دوکتور حسن ریاضی (ایلدیریم)ین دوغوم گونو موناسیبتیله، عائله عضولرینین، دوستلارینین و آذربایجان ادبی مدنی درنک‌لرینین او جومله‌دن ساهر ادبی مدنی درنه‌یی، صابر ادبی انجومنی، نامه صدیق مجله‌سی و ایشیق سایتی امکداشلارینین اشتراکیلا جمعه گونو بهمن آیی‌نین ۲۸دا، تهرانین بهشت زهرا مزارلیغی‌نین ۵۵نجی قطعه‌سینده یئرلش مزار باشیندا طنطنه‌لی تدبیر کئچیریلدی.
ایشیق سایتی‌نین باش یازاری «ائلدار موغانلی»نین اداره ائتدییی بو تدبیرده اشتراکچیلارین بعضی‌لری دوکتور ریاضی‌نین حیات و یارادیجیلیغی ایله باغلی خاطره‌لرینی سؤیله‌ییر و تانینمیش اجتماعی ادبی شخصیتی حؤرمتله یاد ائتدیلر. نریمان ناظیم، دوکتور مرتضی مجدفر، دوکتور ائلدار صدیق، اکبر صالحی قاداش، بابک احمدی، ناصر اسداللهی، رحمان امینی، علی آغ گونئیلی و محمدتقی ثانی دانیشانلار سیراسیندا ایدیلر. تدبیرین سون حصه‌سینده دوکتور ریاضی‌نین قیزی سولماز خانیم و اوغلو حسین ریاضی، آتالارینین شعرلریندن اوخوماقلا، تدبیر اشتراکچیلاریندان، قوناقلاردان و آذربایجان ادبی مدنی درنکلرینین نماینده‌لریندن تدبیره قاتیلدیقلاری اوچون تشکر ائدیب، اونلارا اؤز منتدارلیقلارینی بیلدیردیلر.
بو مراسیمده تدبیر موناسیبتیله نشر اولان پوستال کارت و دوکتور حسن ریاضی (ایلدیریم)ین سون نشر اولان ۴ عنوان شعر مجموعه‌لریندن: «یاغیش یوخوسو»، «گؤزلریمدن آسیلدیم»، «ایل‌لر، ایزلر» و «اولدوزلار، باخیش‌لار» کیتابلاری دا قوناقلارا هدیه ائدیلدی.
دوکتور حسن ریاضی (ایلدیریم)ین دوغوم گونو موناسیبتیله داها بیر مراسیم یکشنبه گئجه‌سی بهمن آیی‌نین ۳۰دا اینترنت واسیطه‌سیله «ادبیات سئونلر» گروهو، «آذری مجله‌سی»، «ساهر ادبی مدنی درنه‌یی» و «ایشیق سایتی» طرفیندن کئچیریله‌جکدیر. (خبرین سونو)

***

مراسم یادبود دکتر حسن ریاضی(ایلدیریم) بر سر مزار وی برگزار شد

به مناسبت زادروز دکتر حسن ریاضی (ایلدیریم) شاعر و روزنامه‌نگار شناخته شده آذربایجان ایران مراسم باشکوهی با حضور اعضای خانواده، دوستان و نمایندگان نهادهای ادبی مدنی آذربایجانی از جمله انجمن ادبی-فرهنگی ساهر، انجمن ادبی صابر، مجله نامه صدیق و همکاران سایت ادبی هنری ایشیق در روز جمعه ۲۸ بهمن ماه بر سر مزار وی واقع در قطعه ۵۵ بهشت‌زهرای تهران برگزار شد.
در این مراسم که توسط «ائلدار موغانلی» سردبیر سایت ادبی هنری ایشیق اداره می‌شد، تعدادی از حاضرین به بازگویی خاطرات و یادمانده‌های خود از زنده‌یاد حسن ریاضی پرداختند و یاد وی را گرامی داشتند. نریمان ناظیم، دکتر مرتضی مجدفر، دکتر ائلدار صدیق، اکبر صالحی قاداش، بابک احمدی، ناصر اسداللهی، رحمان امینی، علی آغ گونئیلی و محمدتقی ثانی از جمله سخنرانان مراسم بودند. در پایان این مراسم که به مدت دو ساعت طول کشید، سولماز ریاضی و حسین ریاضی از طرف خانواده زنده یاد دکتر حسن ریاضی، ضمن تشکر و قدردانی از حضور نمایندگان نهادهای ادبی آذربایجانی و افراد حاضر در مراسم، اشعاری از پدرشان را برای حاضرین قرائت کردند.
در این مراسم کارت پستال یادبود مراسم به همراه چهار عنوان از آخرین آثار منتشر شده حسن ریاضی (ایلدیریم) به نام‌های «یاغیش یوخوسو»، «گؤزلریمدن آسیلدیم»، «ایل‌لر، ایزلر» و «اولدوزلار، باخیش‌لار» به حاضرین هدیه شد.
قرار است مراسم دیگری به همین مناسبت روز یکشنبه ۳۰ بهمن ماه از سوی گروه «ادبیات سئونلر»، «مجله آذری»، «انجمن ادبی مدنی ساهر» و «سایت ایشیق» به صورت اینترنتی برگزار شود.

مراسیمدن شکیل‌لر