چئویرن: ایشیق
ترجمه: ایشیق
ایشیق

آبان آیی‌نین ۲۲-نجی گونو تبریز شهرینده ابدیته قووشان گؤرکملی آذربایجان یازیچیسی، میتولوژیستی و حؤرمتله سئویلن اجتماعی شخصیتی «میرعلی سیدسلامت»ین جنازه‌سی بو شهرین وادی‌ا‌لرحمه مزارلیغی‌نین صنعتکارلار بؤلومونده تورپاغا تاپشیریلدی.
دفن مراسیمیندن سونرا، ۷۰۰ نفردن آرتیق اشتراکچیلارلا، جناب «فیروز مقدم‌»ین آپاریجیغی ایله ایکی ساعات‌یاریم وداع مراسیمی کئچیریلدی.
مراسیمی اوستاد سیدسلامت‌ین یاخین دوستو تانینمیش یازیچی و تدقیقاتچی «رحیم رئیس‌نیا» آچدی، سونرا آذربایجانین مدنی اجتماعی شخصیتلریندن: «حبیب فرشباف»، «ناصر داوران»، «محمد زیدی»، «مسعود شریعتی»، «جعفر کیوانچهر»، «خانم منافزاده»، «شاهرخ نخعی»، «نوید محمدی» و … اؤز اوره‌ک سؤزلرینی دئییب و شعرلر اوخودولار و آذربایجانین گؤرکملی صنعتکارلاریندان «عاشیق حسن اسکندری»، «عاشیق فرخ مهدی‌پور»، «مسعود امیر سپهر»، «قاسیم وطن‌اوغلو» و اوستادین یاخینلاریندان جناب «عسگر صدوقی» و «نیگارخانیم جنتی» اونون عزیز خاطیره‌سینه وداع ماهنیلاری و آیریلیق نغمه‌لری سسلندیردیلر و ایفا ائتدیلر.
مراسیمده همچنین مدنی اجتماعی قوروملار طرفیندن ده اشتراکچیلار آراسیندا بیانیه‌لر و اوستادین شکیل‌لری یاییلدی. او جومله‌دن: آذربایجان موسیقی انجومنی، ایشیق سایتی، میرعلی‌نین یولداشلاری، آذربایجان مدنیت اوجاغی و اللینجی ایللر تبریز دانشگاهی‌نین فنی دانشکده‌سی‌نین فارغ‌التحصیل‌لری طرفیندن.
مراسیمین سونوندا، اوستاد میرعلی سیدسلامت‌ین عائله‌سی طرفیندن باجیسی «سوری خانیم» اشتراکچیلارا اؤز تشکرلرینی بیلدیریب، وداع مراسیمینه سون قویدو.
همین مراسیمدن بیر نئچه شکیلی ایشیق اوخوجولارینا تقدیم ائدیریک:

چاپ

2 پاسخ

  1. اوستاد مهندس میر علی سید سلامتین دونیادان کوچمه‌سی بءبوک ایتگی دیر. روحو شاد، یولو داواملی اولسون.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

«میرعلی سیدسلامت»ین وداع مراسیمیندن شکیل‌لر

ایشیق
www.ishiq.net

آذربایجان ادبیات و اینجه‌صنعت سایتی

«میرعلی سیدسلامت»ین وداع مراسیمیندن شکیل‌لر

ایشیق
www.ishiq.net

آذربایجان ادبیات و اینجه‌صنعت سایتی

«میرعلی سیدسلامت»ین وداع مراسیمیندن شکیل‌لر

ایشیق
www.ishiq.net

آذربایجان ادبیات و اینجه‌صنعت سایتی