«رقیه کبیری»نین یئنی کیتابی یاییلدی
آذربایجانین تانینمیش حئکایه و رومان یازاری رقیه خانیم کبیری‌نین یئنی حئکایه مجموعه‌سی اختر یایین ائوی طرفیندن ۱۰۰۰ نوسخه‌ده یاییلدی.
«آگورادا یاندیرین منی» آدینی داشییان بو حئکایه‌لر مجموعه‌سی تانینمیش یازیچینین اون‌دوققوزونجو کیتابی و آلتینجی حئکایه توپلوسودور. کیتابا یازیچینین ۱۲ حئکایه‌سی داخیلدیر و ۱۱۱ صحیفه‌ده ۲۰۰۰۰ تومن قیمتینده ساتیشا بوراخیلیبدیر.
«آگورادا یاندیرین منی» حئکایه‌لر مجموعه‌سی‌نین ائدیتورو جناب حمید بخشمند و گرافیستی ایسه وقار خانیم آقایی‌دیر.
کیتابی تبریز شهرینده اختر کیتاب ماغازاسیندان الده ائتمک اولار.
