چئویرن: ایشیق
ترجمه: ایشیق
ایشیق

سن یاشا دونیا!
اوستاد عزیز محسنی ابدی‌لشدی

آذربایجان ادبیاتی‌نین گؤرکملی سیماسی اوستاد عزیز محسنی آذر آیی‌نین بئشینجی گونو ۹۵ یاشیندایکن وطندن اوزاقلاردا-آمریکادا- وفات ائتدی.
اوستاد عزیز محسنی آذربایجان ادبی جمعیتینده نئچه یؤنلو شخصیت اولموش، شاعرلیگی ایله برابر، ترجمه‌چی، تدقیقاتچی، ژورنالیست و ناشر کیمی ده عؤمرو بویو کوتله‌لرین سعادتی و آزادلیغی نامینه اجتماعی فعالیتلردن چکینمه‌ین بیر انسان عؤمرونو یاشامیشدیر.
۱۳۰۴نجی ایل اردبیل شهرینده دونیایا گؤز آچمیش اوستاد عزیز محسنی ائله گنج یاشلاریندان ادبی و اجتماعی فعالیتلره باشلامیش و یوزلر مقاله و ایگیرمی‌یه یاخین کیتاب ادبی اجتماعیاتیمیزا تقدیم ائتمیشدیر. «پیدایش انسان و نظرات داروین»، «پیدایش و ساختمان منظومه شمسی»، «موفقیتهای علوم» «سه داستان از ادبیات ازبک، ترکمن و آذربایجان»، «نظری به ادبیات کلاسیک جهان»، ‌«سیستم انتخابات در کشورهای جهان»، «نمونه هایی از شعر معاصر آذربایجان»، «دینله منی»، «نیسگیللریم»، «یورد»، «چای آخیر»، «ساوالان»، «دده قورقود»، «آذربایجان ادبیات تاریخیندن قیزیل یارپاقلار» و بونلار کیمی اثرلر اوستاد محسنی‌نین یاردادیجیلیق ارثی‌نین بیر حصه‌سینی تشکیل ائدیر.
اوستادین آردیجیل ادبی مدنی فعالیتی و یارادادیجیلیق پروسسی ایران انقلابیندان سونرا داها آرتیق دؤرو مطبوعات و درنک‌لر چرچیوه‌سینده حیاتا کئچیر؛ «وارلیق» مجله‌سی‌نین یازیچیلار هئیتی ترکیبنده‌کی فعالیتی و سونرالار کرج و صابر ادبی انجومنی ییغینجاقلاریندا چیخیشی، بو قبیل‌دن‌دیر.
گؤرکملی شاعر، ترجمه‌چی و ادبیاتشناس اوستاد عزیز محسنی‌نین ایتگیسی ادبیات تاریخیمیزین مهم بیر حصه‌سینی اوزه چیخاران شخصیتین ایتگیسی‌دیر. بیز، «ایشیق – آذربایجان ادبیات و اینجه صنعت سایتی» امکداشلاری بو آغیر ایتگینی اوستادین حؤرمتلی عائله‌سینه، آذربایجان ادبی-مدنی جمعیتینه و اونون شخصیتی و یارادیجیلیغینی سئون بوتون انسانلارا تسلیت دئییر و اوستادیمیزین شرفلی خاطره‌سینی عزیزله‌ییریک.

«ایشیق» – آذربایجان ادبیات و اینجه صنعت سایتی
۰۷/۰۹/۱۳۹۸

ایضاح: بو خبرده ایشله‌نیلن شکیل «ائوده آل» تلگرام گروهوندان آلینمیشدیر.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

سن یاشا دونیا! اوستاد عزیز محسنی ابدی‌لشدی

ایشیق
www.ishiq.net

آذربایجان ادبیات و اینجه‌صنعت سایتی

سن یاشا دونیا! اوستاد عزیز محسنی ابدی‌لشدی

ایشیق
www.ishiq.net

آذربایجان ادبیات و اینجه‌صنعت سایتی

سن یاشا دونیا! اوستاد عزیز محسنی ابدی‌لشدی

ایشیق
www.ishiq.net

آذربایجان ادبیات و اینجه‌صنعت سایتی