اوستاد «سؤنمز»ین شخصی آرشیوی و کیتابلاری تبریزه گلدی*

گؤرکملی آذربایجان شاعری اوستاد کریم مشروطه‌چی«سؤنمز»ین مین‌لرجه ال‌یازمالاری، مکتوب‌لاری و کیتاب‌لاری‌ تبریزه گلدی.
«اوستاد سؤنمز» بو کیتاب، مکتوب و ال‌یازمالارینی «مهندس علیرضا صرافی»‌یه وئرمیش و اوستادین ۹۲ یاشی موناسیبتیله «ائل بیلیمی» و «ائوده آل» موسسه‌لری طرفیندن تبریز شهرینده کئچیریلن آغیرلاما مراسیمینده همین کیتابلار و سندلر سرگیلنمیشدیر.
مهندس علیرضا صرافی‌نین دئدیگینه گؤره، بو قیمتلی کیتاب و سندلر خزینه‌سی گله‌جک نسیل‌لره چاتدیریلماق اوچون صلاحیتلی شخصلر یا تشکیلاتلار طرفیندن ساخلانیلیب قوروناجاقدیر. بو سندلرین تبریز شهرینه گتیریلمه‌سی «وطنه دؤنن یازی‌لار» عنوانی ایله دیرلندیریلمیشدیر.

*: خبرین اصلاح اولونموش متنی