۲۰۱۷-نجی ایل ادبیات اوزره نوبل موکافاتینین غالبی آچیقلاندی
۲۰۱۷-نجی ایل ادبیات اوزره نوبل موکافاتی ژاپن اصالتلی انگلیس یازیچیسی «کازوئو ایشی گورو»یا چاتدی.
ایسویچ کرال آکادئمیاسینین یایدیغی معلوماتا اساسن، نوبل کومیته‌سینین قراری ایله ۲۰۱۷-نجی ایل ادبیات نوبل موکافاتینا ۶۲ یاشلی یازیچی «کازوئو ایشی گورو» لاییق گؤرونوبدو. بو یازیچی‌نین بوتون اثرلری و ان چوخ تانینان «بازمانده روز» عنوانلی اثری «نجف دریابندری» طرفیندن فارس دیلینه ترجومه اولوبدور.
۱۹۰۱-نجی ایلدن تقدیم اولونان نوبل ادبیات موکافاتینا اؤتن ایل آمریکالی «باب دیلن» لاییق گؤرولموشدو.
نوبل موکافاتینین تقدیمات مراسیمی عنعنه‌وی اولاراق آذر آییندا استکهلم‌دا کئچیریله‌جک. هر موکافاتین مبلغی ۱ میلیون دوللاردیر.
