«فرهاد فرجلی»نین وداع مارشی چالیندی
گؤزلنیلمه‌دن ۴۹ یاشیندا حیاتینی ایتیرن «سهند» و «دنیز» موسیقی گروهلارینین تارزنی دیرلی آذربایجان صنعتکاری «فرهاد فرجلی»نین جنازه‌سی موسیقی نوالاری آلتیندا تورپاغا تاپشیریلدی.
چوخ واختسیز حیاتلا وداعلاشان صنعتکارین جنازه‌سی مرداد آیی‌نین ۱۶نجی گونو تهرانین بهشت زهرا مزارلیغینین «قطعه هنرمندان» بؤلومونده آذربایجان موسیقی هوسکارلاری، ادبیاتچی‌لاری و دوست تانیشلارینین مشایعتی‌ایله ابدی‌لیک تورپاغا تاپشیریلدی. تورپاغا تاپشیرما مراسیمینده تانینمیش موسیقی خادیملری تارزن اعتبار قلی‌اف و خواننده جابر عبدی اؤز ایفالاریلا مرحوم صنعتکاری ابدیته یولا سالدیلار.
دیرلی صنعتکاریمیزین خاطیره‌سینی عزیزله‌یه‌رک اونون تورپاغا تاپشیرما مراسیمیندن گؤرونتولری حؤرمتلی اوخوجولارا تقدیم ائدیریک:(شکیل‌لر افشین صفی‌زاده‌نین تلگرام گروهوندان آلینیبدیر)
