اوستاد «عاشیق حسین اسدی»نین ایتگیسی‌له باغلی اطلاعیه‌لر
آذری فصلنامه‌سی – ساهر ادبی- مدنی انجمنی
آذربایجانین گؤزکملی ساز و تار اوستاسی، اونودولماز صنعتکار، اوستاد حسین اسدی دونیایا گؤز یومدو!
اوستادحسین اسدی، آذربایجانین ساز، سؤز، قهرمانلیق و گؤزللیک یوردو ساییلان قاراداغدا دونیایا گؤز آچدی و ایللر بویو او تورپاغا لاییق بیر اؤولاد کیمی زحمتلره قاتلاشیب و آلینی آچیق یاشادی. سازیلا مجلسلریمیزی، ییغینجاقلاریمیزی، ادبی – مدنی محفللریمیزی ایشیقلاندیردی.
اوستاد حسین اسدی ساز ایفاچیلیق صنعتینی یوکسکلره قالدیردی. بونونلا برابر بیر چوخ استعدادلی ساز و تار ایفاچیلاری یئتیردی . ایندی حسین اسدی اونلارین سیماسیندا چوخالاراق یاشاییر. بو ایفاچیلار آراسیندا دونیا شؤهرتلی صنعتکارلار دا واردیر.
آذری مجله‌سی و ساهر ادبی – مدنی انجمنی، اونودولماز صنعتکاریمیز اوستاد حسین اسدی‌نین آغیر ایتگیسینی، عاشیغین عائله‌سینه، دوستلارینا، آذربایجان عاشیقلارینا، آذربایجان موسیقیسی ساحهسینده چالیشانلارا، ادبی – مدنی ساحه‌ده فعالیت گؤسترن دیرلی وطنداشلاریمیزا باشینیز ساغ اولسون دئییر.
اوستاد عاشیق حسین اسدی ایزی ساز ایفاچیلیق صنعتیمیزده اوزون ایللر یاشایاجاقدیر. روحی شاد، مزاری نورلو اولسون!
***
صابر ادبی انجمنی
آدربایجانین بویوک ساز اوستادی، نئچه- نئچه اوستاد عاشیق تربیه ائدیب، یوردوموزا تقدیم ائدن،سؤزو و سازی ایله اوره‌کلری اوخشایان و ایللر بویو یورولمادان عاشیق صنعتینی ذیروه‌لرده ساخلایان، قاراداغلی عاشیق “حسین اسدی” حیاتینی دییشدی.
صابر ادبی انجمنی، بو ایتگینی بوتون آذربایجانلی صنعتکارلارا، ائلیمیزین موسیقی خادملرینه، شاعیرلره و یازیچیلارا، هم ده قاراداغلیلارا باش ساغلیغی وئره رک، اعلام ائدیر یاخین گلجکلرده آیلیق یغینجاقلاریندا، بو اوستادین حاققیندا چیخیشلاری و وئرلیش لری اولاجاقدیر.
***
«ایشیق» – آذربایجان ادبیات و اینجه‌صنعت سایتی
چوخ تاسفله گؤرکملی آذربایجان صنعتکاری عاشیق حسین اسدی شهریور آیی‌نین ۱۳ده اوره‌ک انفاکتی سببیندن ۵۸ یاشیندا حیاتینی ایتیرمیش و ابدیته قووشموشدور.
اوزون ایللردن بری تهران شهرینده یاشایان عاشیق حسین اسدی، ایران آذربایجانیندا عاشیق صنعتیمیزین آغیر گونلرینین فداکار تبلیغچیسی اولموش و اؤز صنعتینی سئودیگی ائل- اوباسینین خوشبختلیگی، سئوینجی و گله‌جه‌یه نیک‌بین باخماغی اوغروندا چیچکلندیرمیشدیر.
عاشیق حسین اسدی یارادیجی صنعتکار اولموش، ساز صنعتی‌نین امکانلاریندان اولدوقجا فایدالانمیش و بو امکانلاری اؤز صنعتکار قابلیتی‌له گئنیشلندیریب و الده ائتدیگی نائلیتلری اؤز شاگرلرینه ده کئچیرتمیشدیر. بو گون خالقیمیزین فخر ائتدیگی دونیا شهرتلی اوستاد عاشیق چنگیز مهدی‌پور و بیر نئچه باشقا یارادیجی عاشیق و ساز ایفاچیلاری عاشیق حسین اسدی صنعتی بولاغیندان سو ایچنلردن اولموشدولار.
عاشیق حسین اسدی ایران انقلابیندان سونرا آذربایجان ساز صنعتینه یئنی آب و هوا گتیرن ایلک صنعتکارلاردان و بلکه ده بیرینجیسی اولموشدور.
عاشیق حسین اسدی سون ایللر ساز صنعتیله برابر آذربایجان تار ایفاچیسی کیمی‌ده چیخیش ائتمیش و عؤمرونون سون گونلرینه‌دک ایستر ساز و ایسترسه ده آذربایجان تاری‌نین ایفا امکانلاری اوزره یورولمازجاسینا یارادیجی ایش آپارمیش و اون‌لارجا شاگیرد تربیه ائتمیشدیر.
«ایشیق» – آذربایجان ادبیات و اینجه‌صنعت سایتی امکداشلاری، عاشیق حسین اسدی‌نین اؤلومونو عاشیق صنعتیمیزه آغیر بیر ایتگی حساب ائدیر و بو ایتگینی آذربایجان خالقینا، اونودولماز صنعتکاریمیزین حؤرمتلی عائیله‌سینه، قوهوم- اقرباسینا و بوتون آذربایجان ادبیات و اینجه صنعت درنک‌لری – خصوصیله خدافرین انجومنی- عضولرینه باشینیز ساغ اولسون! دئییر و اونودولماز صنعتکاریمیزین شرفلی خاطیره‌سینی عزیزله‌ییر.
***
چنگیز مهدی‌پور
آذربایجان باشین ساغ اولسون :
اوزان صنعتی‌نین دونیا سوییه‌سینده، خصوصی اولاراق تورک دونیاسی بویونجا بیرینجی تبلیغچیسی اولان «ده‌ده قورقوت» اؤز عصرینده, هابئله آشیق صنعتی‌نین باشلانقیجی صفویلر دئورینه عایید اولاراق ده‌ده قوربانی‌نین واسطه‌سی ایله و آردیجیل اولاراق، ده‌ده عابباس، ده‌ده قاسیم «خسته قاسیم»، ده‌ده علسگر اؤز یاشادیقلاری عصیرلرینده آشیق صنعتی ایله باغلی بوراخدیقلاری تاثیر لری، شوبهه سیزکی بوگون یاخود بو عصیرده موسیقی‌نین چوخ چتین دوروموندا، ایران آذربایجانیندا، اوستاد حسین اسدی نین بوراخدیغی تاثیرلری ایله مقایسه ائده بیلریک.
عین حالدا یاریم عصیره یاخین بو صنعتین کشیگینده دوران، بو صنعتین درینلیک‌لرینه وارماقلا یئنیلیکلر یارادان، سازین صادیق یولداشی، محرمی، سیرداشی، صنعتینه هر زامان سایقی ایله یاناشان و بوگونه قدر صنعتینه صادیق قالان، اینسان حقوق‌لارینا یوخاری دوشونجه ایله یاناشان، صنعتیله یاناشی فلسفه و دوشونجه اؤیرتمنی و آذربایجانین گورکملی و لیاقتلی ساز اوستادی، ایللر بویو منیم زحمتلریمه قاتلانان عزیز اوستادیم، حسین اسدی، واختسیز اولاراق بو گون ایشیقلی دونیایا گؤز یومدو!
بوگون بو آجی خبری، اؤلکه‌مدن قیراقدا دویدوغومدا، یاخیندان اوستادیمین پاک جسدینی توپراغا تاپشیرماسینی گؤزوم ایله گؤرمدییمی بئله یوزماق ایستییرم: بلکه ده اوستادیمی توپراغا تاپشیراندا یاخیندان بو صحنه‌نی گوردویومده طاقتیم توکنردی !
بو آغیر و اوزونتولو اولایی بوتون تورک دونیاسینا، آذربایجان خالقینا، بوتون صنعت آداملارینا و خصوصی اولاراق عزیز و حؤرمتلی عاییله‌سینه باش ساغلیغی و الله دان رحمت دیلییرم… یولو داواملی اولسون…
***
از طرف دوستان: جمالی
شنیدیم که حسین اسدی استاد مسلم و مبرز ساز عاشیقی بدرود حیات گفته و با ساز شیرین سخن و خوش نوای مختص خودش برای همیشه وداع کرده است! این حادثه تلخ زخم و ضایعه بزرگی است بر پیکر صنعت ساز عاشقی و موسیقی آذربایجان و ایران!
حسین اسدی بزرگ مردی بود که از خطه هنرخیز خدافرین و از کناره‌های سیلابهای خروشان رودخانه مرزی ارس از روستای کرشان سر کشیده و بر بلندای هنر و صنعت عاشیقی نشست. این هنرمند. محجوب و متین و تواضعکار در هنر نواختن ساز عاشیقی در اندک مدت به لحاظ داشتن ذوق هنری و دارا بودن خصائل نیک و عقاید انسانی خود چنان خوش درخشید که محبوب مردم و شهره شهر شد. نام نیک او بعنوان یکی از سیماهای مطرح هنر مردمی همیشه بر تارک تاریخ موسیقی اذربایجان و ایران خواهد درخشید!
استاد حسین اسدی گنجینه پربهایی بود که هر از گاهی اهنگهای مهجور و گمنام را از دل آرشیو تاریخ موسیقی عاشیقی بیرون کشیده و با هنرمندی و با ذوق زیبای خود به اهنگ مورد نظرش شکل و شمایل تازه‌ای می‌بخشید و بصورت متکاملتر به نمایش می‌گذاشت!
شیرینی انگشتان حسین در صنعت ساز زدن منحصر بفرد بوده و برخی دنیا دیده‌ها چنین شیرینی را تنها در پنجه‌های نرم عاشیق عیسی دشن بیاد می‌اورند!
منشاء و منبع نغمه‌های شیرین حسین از کجا می‌تواند سرچشمه بگیرد که چنین افسونگر و ساحر مینماید!؟ این سر شاید درد و غم بیان نشده تاریخی مردمی است که در سایه ساز حسین نقاب از رخ برداشته و لب به سخن گشوده است ! و یا شاید زمزمه‌های زلال چشمه‌ساران قره‌داغ و رودخانه ارس بود که از نوک انگشتان حسین جاری می‌شد. کس چه می‌داند!؟ شاید این نغمه‌های شیرین، راز ماندگاری او را در ذهن و زبان مردم و دوستداران جاودانه خواهد کرد و خاطرات او را نازدودنی! و چنین باد!
یادش گرامی و خاطره‌اش عزیز!
