ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

susanشعرلر(5)
سوسن امینی- چئویرن: گولناز

gulnaz

(1)
باهار چاتمادادیر
و من ناخيشلاييرام بولودلارا سيخينتيمي
اسه‌جک کولک-
هامیسینی اؤزویله آپارسین- دئیه.
ساحیل قوملاری اوستونه سریرم کدرلریمی
گله‌جک دالغا-
هامیسینی اؤزویله آپارسین- دئیه.

باهار چاتاجاق
و من گیلاس چیچک‌لریندن کؤینک گئیه‌جه‌یم،
و سنین آیاق سسلرینله
یئنه یاس چیچگی‌نین عطری‌ایله سرخوشلاناجاغام-
باشيمين اوستونده گونش اویناسین- دئیه.

سن قاپیدان گیررکن
عاغیلیمین دولانباج یوللارینداکی سئوگی نغمه‌لریمی
آستاجا و یوموشاق
پیچیلدایاجاغام قولاقلارینا.
باهار چاتمادادیر….
(2)
سوسغونام
و باخیشیم آسیلی قالیب خیال پنجره‌سیندن.
قولاغیم
دووارداکی ساعاتین تیق- تیق یندا
آوارا روحوم‌ایسه
انتظار بوزقیری‌نین اضطرابیندا.
اوره‌ک گؤیرچینیم اللرینده‌دیر،
یا آزادلیغا بوراخ
یا دا اؤزونله گتیر.
(3)
باخيشين
سئومک هوه‌سيني اويانديرير
و بوغاز یاتاغینداکی –
دویونلنمیش قه‌هری آچیر.
باخيشيني مندن اسیرگه‌مه
سن اي اوشاقليق گوناهسیزلیغی
سن اي ايشيقلي سحر !
(4)
ياغيش  دامجي‌لاري
ياغمادان بوخارلانير ياناقلاريندا،
سن نه‌دن یارانیبسان؟
من کی اوددانام،
كولك اسنده
آلوولانیرام.
(5)
اؤز- اؤزومه گولورم؛
آنام هر گون سوفرانی دوزور،
چؤهره‌سی نار سویونا بنزه‌ییر
سوفراسی گلین دوواغینا،
باجاريغینا؟
سؤز يوخدور
من نه گوزه‌ل گولورم!
حيات زارافات دئييل،
حيات زارافات دئييل.

2 پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *