شعرلر(1)
سوسن امینی- چئویرن: گولناز
(1)
مئشه آغاج‌لا-
بولود ياغيش‌لا-
گئجه اولدوزلا-
دیری‌دیر؛
و من
سنين اياق سسلرين‌له.
سن گل
من بولاق اولارام …
(2)
دونن گئجه،
دونیانین دؤرد بوجاغیندا چال- چاغیر ایدی.
و ياغيش
نه گوزه‌ل چالیردی ائويمين اوستونو:
شعیر,
و سئوگی پیچیلتیسی‌دی؛
اولماق
و یاشاماق آن‌لاری‌دی؛
من ایسه،
بوغولموشدوم قادينليق دويغولاريمدا.
(3)
چيينلريمه
سوسن, ياسمن چیچک‌لری اكيرم،
عطیرلری
وطنيمین كؤينه‌یی اولسون دئیه؛
اولاجاق‌می؟
بیلمیرم!
(4)
نئجه‌ده
سئویملی كئچيرسن خياليمدا مندن!
سانكي دونن ايدي
ديواردان قوپموش بير گچ پارچاسی‌ايله
اوشاقلیغجاسینا چكيرديك شكیليميزي
آسفالت اوزه‌رينده؛
و رياسيز
گولوردوك بيربيريميزده.
یامان غریبسه‌میشم
او تميز اوشاقليق گونلريمه…
3 پاسخ
چوخ اینجه و گوزل یاشا
سیزه اوغورلار گولناز جان
گؤزل چئوریلمیشدی یورولمایاسیز.