ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

بیر اووج دورنا لله‌یی و … (مُشتی پرِ دُرنا و …)
خسرو باقرپور – چئویرن: ائلدار موغانلی

قوشلار اولماسایدیلار،
خیالسیز،
سوسوز بیر چؤل اولاردی گؤی؛

آغاجلار اولماسایدیلار
آنلاشیلماز بیر سؤز اولاردی مئشه؛
اؤلو بیر قوش اولاردی خیال.

مئشه اولماسایدی، قوش‌ اولماسایدی،
نه ده بوش و معناسیز گؤرونردی دونیا!

آه! منیم هر زامانکی یول یولداشیم، سئوگیلیم!
خیال اولماسایدی
یازیق اولاردی سئوگی،
من‌سه‌ مین آغاجین پوکالمیش کولو کیمی
صحرا کولک‌لرینین اسیری اولاردیم،
و بیر اووج دورنا لله‌یی کیمی
اوچوش یوخوسونو داییما-
قاش- قاباقلی یاتمیش تیکان کوللاریندا گؤرردیم.

نه یاخشی کی خیال واردی
و سن‌ منیم ائله همن مهریبان سئوگیلیمسن.
سنینله
قوشلارا یولداش اولور گؤی
و حیات های- کویو ایله داشلانیر مئشه.

نه یاخشی کی خیال واردی
سئوگیلیم!

  • نسخه فارسی شعر را می‌توانید در صفحه فیسبوک شاعر بخوانید:
    https://www.facebook.com/photo.php?fbid=10156867255999406&set=a.96342084405&type=3&theater

یک پاسخ

  1. سایین ائلدار بَی جناب‌لاری بو گؤزل شئعیری ان گؤزل بیرخیال و دوشونجه ایله تورکویه چئویریبدیر، اوخوجو اوخودوقدان بیر داها اوخوماغا هوس‌له‌نیر دوغروداندا حؤرمتلی خسرو باقر پور جناب‌لاری بو بئش سؤزجوک ایله « قوش‌لار، آغاج‌لار،گؤی ، مئشه و خیال » ان گؤزل و دولغون بیر شئعیر یارادیدیر. هئچ نیه توخونمادان یالنیر، چیلخا بیر شئعیردیر. وار اولسونلار بو ایکی باجاریق‌لی ادبیاتچیلاری.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *